Ҝенералын гоһумунун дөјдүјү “Азпетрол” ишчиси: “Деди сизи пулда басдырарам…”
“Ҝеҹә саатларында “Бентлеј” маркалы машын јанаҹагдолдурма мәнтәгәсинә дахил олду. Сүрүҹү пәнҹәрәни ачараг 100 манатлы бензин сифариш верди. Әмәкдашымыз онун хаһишини јеринә јетирсә дә, һәмин шәхсләр өдәниш етмәкдән бојун гачырдылар. Мән онлара јахынлашыб, нә баш вердијини сорушдум. Онлардан сајғаҹда ҝөстәрилән мәбләғи өдәмәји хаһиш етдим.
Бу, онларын хошуна ҝәлмәди. Машындан дүшән оғланлар мәнә һүҹум етмәјә башладылар. ПОС-терминалы ҝөтүрүб башыма вурдулар. Нијә белә еләдикләрини сорушсам да, әл чәкмирдиләр. Һамы үстүмә төкүлүб мәни дөјүрдү. Өзүмү мүдафиә едә билмәдим. Онлар чох иди, мән тәк”-Садиг Бағыров данышыб.
Мүһафизәчи дејир ки, ишчиләр она һүҹум едәнләри ајырмаға чалышыб, анҹаг бу заман “Бентлеј”дән дүшән идманчы әлиндәки силаһла ЈДМ-ин ишчиләрини һәдәләмәјә башлајыб.
Садиг Бағыров дејир: “ Онлар ичкили идиләр. Нә данышдыгларыны билмирдиләр. “Бентлеј”нин сүрүҹүсү иддиа едирди ки, ҝуја бизә јүз манат вериб. Сүрүҹү гышгырырды ки, “сиз кимсиниз бизи ҝөзләдирирсиниз. Һамынызы ҝүлләләјәрәм, Бакыда һеч ким габағымда дуран билмәз. Сизи пулла басдырарам”. Онлары сакитләшдирмәјә чалышырдым. Арамызда мүбаһисә дүшәндән бир нечә дәгигә сонра “Прадо” маркалы машын ҝәлди. Машындан дүшән идманчылар да мәнә һүҹум етди. Тәкләмишдиләр мәни. “Прадо”нун сүрүҹүсү ишчиләримизи һәдәләјиб, дејирди ки, онун атасы имканлы адамды, сизи мәһв едәрләр. Һеч бир сәбәб олмадан мәни дөјдүләр. Гапалы кәллә бејин травмасы алмышам. Һазырда мүалиҹәләрими ев шәраитиндә давам етдирирәм.
Зәрәрчәкәнин дедијинә ҝөрә, “Бентлеј”дә 4 нәфәр олуб. Онлардан икиси гыз имиш. Вә гызлар да ичкили олублар. “Һәмин шәхсләр отагда мәни дөјәндә гызлар машындан дүшүб сөјүш сөјүрдүләр. Нәзарәт отағыны алт-үст етмишдиләр.Мән әзијјәтлә чөрәк пулу газанырам, онлар һарынламыш инсанлардыр. Онлар кимәсә архалансалар да, мән дөвләтимә, полисә архаланырам. Һеч ким ганундан гача билмәз”-С.Бағыров дејиб.
Хатырладаг ки, бу һадисә президент Илһам Әлијев һарынлыг едән мәмурлара вә онларын јахынларына етдији нөвбәти сәрт хәбәрдарлыгла ејни ҝүндә баш вериб. Президент бәјан едиб ки, беләләри сәрт шәкилдә ҹәзаланаҹаглар.
Садиг Бағыров дејиб ки, ихтисасҹа журналистдир. Хәзәр Университетинин журналистика факүлтәсини битириб. Ихтисасына ујғун иш тапа билмәдији үчүн “Азпетрол”да мүһафизәчи ишләјир./азтодај/
