Шрифт өлчүсү:
А+
А
А-
09 Јанвар 2017

Интиһарлар ҹидди сосиал проблемә чеврилир

"Новоје Времја" гәзетиндә Азәрбајҹанда "Интиһарлар ҹидди сосиал проблемә чеврилир" сәрлөвһәли мәгалә охумаг олар.

Мүәллиф јазыр ки, өлкә медиасы һәр ҝүн бир нечә интиһар олајындан бәһс едир. Анҹаг хәбәрләрдә ја интиһарларын сәбәбләри ҝөстәрилмир, ја да ондан чох сәтһи данышылыр.

Јазыда вурғуланыр ки, бу сырада јалныз фотограф Натиг Мүслүмовун интиһара әл атмасынын сәбәби ајдындыр. Фотограф кредитә ҝөтүрдүјү фотоапаратын пулуну өдәјә билмәдијиндән ҹанына гыјмалы олуб.

Мүәллиф банк борҹуна ҝөрә интиһар олајларынын үзәриндә хүсуси олараг дајаныр: "Проблем бундан ибарәтдир ки, белә интиһарлар сон заманлар дәфәләрлә артыб. Даһа доғрусу, "кредит интиһарлары" өлкәдә интиһарларын әсас сәбәбинә дөнүб. Һакимијјәтин вә банкларын өдәнилмәмиш кредитләр проблемини һәлл етмәк истәмәмәләри дуруму даһа да мүрәккәбләшдирир. Проблемли кредитләрин һәҹми артыр, буна ујғун да өдәниш едә билмәмәси үзүндән ҹанына гәсд едән вәтәндашларынсајы артыр".

Мүәллиф һесаб едир ки, Азәрбајҹан һакимијјәти дурумун ҹиддилијини кифајәт гәдәр дәрк етмир, буна ҝөрә дә бу саһәдә һәр һансы профилактик иш апарылмыр: "Интиһарла бағлы профилактик иш апармаг олар, буну Авропа өлкәләринин тәҹрүбәси дә ҝөстәрир. Унутмаг олмаз ки, игтисади бөһран вәтәндашларын овгатына кифајәт гәдәр ҹидди тәсир едиб, иш јерләринин итирилмәси, кәскин баһалашма сабаһа инамын итмәсинә сәбәб олуб"./маиде/


389 дәфә бахылыб
Лоадинҝ ...
Nur-Az Xeber