Шрифт өлчүсү:
А+
А
А-
10 Јанвар 2017

Аллаһ бу инсаны нијә белә әзиз тутур?

Бу, елә пејғәмбәрдир ки, һесабы башга пејғәмбәләрдән ајрыдыр. Онун јери Аллаһ јанында хүсусидир. О заман ки, ағыр заманлар кечирирди, Аллаһ Өзү она үрәк-дирәк верирди, она ҝөрә ҝеҹә вә ҝүндүзә анд ичирди ки, һеч бир заман тәк гојмајаҹагдыр. “Анд олсун ҝүнәшин доғмасына вә ајдын ҝүндүзә. Анд олсун сакитләшмәкдә вә (һәр јери) бүрүмәкдә олан ҝеҹәјә ки, (Ја Муһәммәд), Рәббин сәни тәрк етмәмиш вә (сәнә) аҹығы тутмајыб”. (“Зуһа” 1-3).
Она дејирди ки, сәнә о гәдәр әта едәҹәјәм ки, разы олаҹагсан.
“Һәгигәтән, Рәббин тезликлә сәнә (о гәдәр) әта едәр ки, (Ондан) разы галарсан”. (“Зуһа” 5).
Əхлагына һејрана олараг, бујурарды: “Һәгигәтән, сән (бүтүн инсани әхлаг фәзиләтләринин ҹәм олдуғу) бөјүк бир әхлага маликсән”. (“Гәләм” 4).
Һәтта онун ҹанына белә анд ичәрди... “Сәнин ҹанына анд олсун ки, онлар өз (күфр, ҝүнаһ вә шәһвәт) мәстликләриндә чашгын вә сәрҝәрдан идиләр”. (“Һиҹр” 72).
Бәзән онунла рәмзләрлә данышарды. Индијә гәдәр һәмин рәмзләр анҹаг Аллаһ вә Һәзрәт Муһәммәд (с) арасында олмушдур. Әлиф, лам, мим кими. (Тебјан)
Ондан ниҝаран оланда бујурарды: “(Ја Пејғәмбәр!) Бәлкә сән онлар иман ҝәтирмәјәҹәкләр дејә, өзүнү һәлак етмәк истәјирсән?!”. (“Шуәра” 3).
Онун гәмини чәкәр вә бујурарды: “Биз Гур’аны сәнә (онун иҹрасы јолунда, јахуд онун гәбул едилмәмәсиндән тәәссүфләнмәклә, јахуд да ағыр ибадәтләр етмәклә) зәһмәт вә әзијјәтә дүшмәјин үчүн назил етмәдик”. (“Таһа” 2).
Мөминләрин јанында ону тәрифләјәрди ки, гәдрини билсинләр. “Һәгигәтән сизә (мәләкләрдән вә ҹинләрдән дејил) өзүнүздән олан бир пејғәмбәр ҝәлиб ки, сизин әзијјәт вә зәрәрә дүшмәјиниз она ағырдыр; о, сизи(н иман ҝәтирмәјинизи вә камала чатмағынызы) чох истәјир вә мөминләрә гаршы чох мәрһәмәтли вә меһрибандыр”. (“Төвбә” 128).
Çүнки, о тәкҹә Пејғәмбәр (с) дејилди, һәм дә Аллаһын һәбиби иди.
Бүтүн бу наз чәкмәләр о заман баш верир ки, мәһбуб өз һәбибини ҝөрмәк истәјәр./дејерлер/


483 дәфә бахылыб
Лоадинҝ ...
Nur-Az Xeber