Шрифт өлчүсү:
А+
А
А-
10 Јанвар 2017

Али Рәһбәр Ајәтуллаһ Һашими Рәфсәнҹанијә ҹәназә намазы гылды - ФОТО

Али Рәһбәр Ајәтуллаһ Хаменеи бу ҝүн сәһәр Теһран Университетиндә ислами һәрәкат вә мүбаризә илләринин һәмсәнҝәри, көһнә досту, ислами республика дөврүндә узун илләрин јахын һәмкары олан Ајәтуллаһ Һаҹы Шејх Әкбәр Һашими Рәфсәнҹанинин ҹәназә мәрасиминдә иштирак едиб.
 
Иран халгынын нүмајәндәләринин, президент, һөкумәт вә орду рәһбәрләринин иштиракы илә, һүзн вә кәдәр долу бир атмосфердә кечән мәрасимдә Али Рәһбәр мәрһум Ајәтуллаһ Һашими Рәфсәнҹанинин нәшинә ҹәназә намазы гылыб. 
 
Гејд едәк ки, Али Мәгамлы Рәһбәр сабаһ јанвар ајынын 11-дә саат 09:30-дан 12:00-а гәдәр Имам Хомејни (р.ә) адына һүсејнијәдә Ајәтуллаһ Һашими Рәфсәнҹанијә һәср олунан аным мәрасими тәшкил едәҹәк. Ајәтуллаһ Хаменеи тәрәфиндән тәшкил олунаҹаг мәҹлисдә өлкә рәсмиләри илә јанашы, Теһранда олан дипломатик корпус нүмајәндәләри вә Ә.Һ.Рәфсәнҹанинин дәфн мәрасиминдә иштирак етмәк үчүн Теһрана сәфәр едәҹәк өлкә президентләридә иштирак едәҹәк. 
 
Ајәтуллаһ Һашими Рәфсәнҹани  јанварын 8-дә 82 јашында вәфат едиб. Мәрһум Рәфсәнҹани Имам Хомејнинин (рәһ) мәгбәрәсиндә Онун гәбринин јанында дәфн олунаҹаг.  
 
Һазырда Теһранда Ајәтуллаһ Һашими Рәфсәнҹанинин издиһамлы дәфн мәрасими кечирилир./маиде/
 
 
 
 
 
 
 
 
 
 



75 дәфә бахылыб
Лоадинҝ ...
Nur-Az Xeber