Шрифт өлчүсү:
А+
А
А-
11 Јанвар 2017

"Човдаровун ады ҝәләндә рәнҝимиз саралырды; "Ранҝе Ровер"имизи сатдыг"

Сабунчу Рајон Мәһләмәсиндә ләғв едилмиш МТН-нин ҝенералы Акиф Човдаров вә диҝәр 3 нәфәрин ҹинајәт иши үзрә нөвбәти мәһкәмә просеси кечирилиб. Мусават.ҹом хәбәр верир ки, һаким Һәбиб Һәсәновун сәдрлији илә кечирилән просесдә зәрәрчәкмиш кими танынан Биләҹәри бәләдијјәсинин сәдри Илһам Хәлилов ифадә вериб.

О, ифадәсиндә дејиб ки, 2008-ҹи илин мартында танышы Адил Јагубов она хәбәр чатдыб ки, ҝенерал Човдаровун јанына ҝетмәлидир. А.Јагубов Акиф Човдаров МТН-ә ҝәлмәдән полисдә онунла бир јердә ишләјиб, сонрадан исә пенсијаја чыхыб. Онун сонунҹу иши исә Човдаровун Масазырдакы истиханасыны идарә етмәк олуб. О, 2010-ҹу илдән Човдаровун арвады Ибадәт Човдароваја мәхсус “Бәһрә-2010” ММҸ-нин директорудур. Бәләдијјә сәдри И.Хәлилов дејир ки, Јагубовун хәбәрдарлығындан сонра МТН-ин инзибати бинасына ҝедәрәк Акиф Човдаровла ҝөрүшүб. Гыса данышыгдан сонра ондан 100 мин истәнилиб. И.Хәлилов илк дәфә 50 мини МТН-ә вериб. Галан 50 мини исә 1 ај әрзиндә Човдаровун адамы Јагубова чатдырыб.

И.Хәлилов ифадәсиндә ҝөстәрир ки, 2014-ҹү илин сонларында Човдаров зәнҝ вурараг әмр едиб ки, Масазырда, “Зәли ҝөлү”нүн јахынлығында 10 һектар торпаг саһәсини Адил Јагубовун адына сәнәдләшдирсин. Бунлардан әлавә, ондан 120 мин дә тәләб олудуғуну дејән бәләдијјә сәдри Човдаровдан “Сән ҝенералы бармағына доламысан? Дејәсән, мәни јахшы танымырсан. Сәни һәбс едәрәм, башына торба кечирдиб падвала атарам” дејә тәһдидләр ешитдијини сөјләјиб. Човдаров ифадәсиндә Хәлилову узун мүддәтдир ДИН-дә бирликдә ишләдији Адил Јагубов васитәси таныдығыны дејиб. "Илһам Хәлилова һеч вахт Елман Салманов адлы шәхсдән һәр һансы бир мәбләғдә пул алыб мәнә чатдырмасыны демәмишәм, бунунла бағлы нә Илһам Хәлилова, нә дә Елман Салманов адлы шәхсә һәр һансы бир формада һәдә-горху ҝәлиб тәләб ирәли сүрмәмишәм”- дејә Човдаров ифадәсинә әлавә едиб. Мәһкәмә просесиндә фасилә елан олунуб.

Акиф Човдаровун вәкили Садиг Рәсулов Мусават.ҹом-а дејиб ки, Илһам Хәлилов мәһкәмәдә зиддијјәтли ифадәләр вериб: "Әввәлҹә дејирди ки, Бинәгәди бәләдијјәсинин сәдри Елман Салманова зәнҝ едәрәк МТН-дән пул истәнилдијини дејиб. Амма мәһкәмәдә дејир ки, Елман да она зәнҝ едәрәк МТН-ә чағырылдығыны, пул истәнилдијини дејиб. Илһам Хәлилов МТН-дә 4-ҹү мәртәбәдә Човдарова пул вердијини деди. Анҹаг һәмин вахт Човдаровун хидмәти отағы 1-ҹи мәртәбәдә олуб. Хәлилов дејир ки, пулун галан һиссәсини Човдаровун хидмәти машынында она вериб. Амма Човдаровун һәмин вахт хидмәти машыны олмајыб. Хәлилов истинтагда Човдаров тәрәфиндән һәдәләндијини, пул тәләб едилдијини дејирди. Амма мәһкәмәдә Адил Јагубов тәрәфиндән һәдәләндијини дејиб. Диҝәр бәләдијјә сәдри Елман Саламанов да мәһкәмәдә Илһам Хәлилову тәкзиб етди. Елман деди ки, Хәлилов она дејиб ки, әҝәр 150 мини вермәсә онун башына торба кечирәҹәкләр. Јәни, Салмановдан пулу Човдаров истәмәјиб. Һәм дә Елман Салманов деди ки, ондан пул истәниләндә ағсаггалы илә данышмаг истәдијини, вахт лазым олдуғуну дејиб".

Акиф Човдаров мәһкәмәдә Елман Салманова белә ҹаваб вериб: "Сәнин ағсаггалыны таныјырам, мүнасибәтимиз дә вар. Әҝәр белә бир шеј олубса, сәнин ағсаггалын нијә мәнә зәнҝ едиб демирди ки, "Акиф, Елмандан нијә пул истәјирсән? Бу дејиләнләр јаландыр". Садиг Рәсулов Акиф Човдаровун чыхышында Илһам Хәлиловун онун адындан јалан данышараг кимләрдәнсә пул алдығыны да дејиб. "Елман Салманов адлы шәхсин ким олдуғуну, һансы вәзифәдә ишләдијини билмирәм. Әҝәр Елман Салманову чағырмаг лазым олса иди, Илһам Хәлилов васитәсилә дејил, өзүм чағырардым. Илһам Хәлилов јәгин ки, башгаларындан пул алыб. Мәним адымдан да истифадә едиб”- дејә Човдаров мәһкәмәдә дејиб.

Бинәгәди Бәкәдијјәсинин сабиг сәдри Елман Саламнов да Мусават.ҹом-а ачыглама вериб. О дејиб ки, Акиф Човдарову һеч вахт ҝөрмәјиб: "Мәнә Илһам зәнҝ елди ки, МТН-ә 150 мин вермәлисән. 90 мин бир, 60 мин дә бир вердим. Касыб адамыг, "Ранҝе Ровер"имиз вар иди, севинирдик. Ону да сатыб вердик. Илһам пулун Човдарова чатдырылаҹағыны деди. Човдаровун ады ҝәләндә рәнҝимиз саралырды. Мәһкәмәдә дә дедим ки, башымәз саламат олсун дејә пул вердим. "Мәмин ағсаггалым" кимдир суалына да ҹаваб верә биләрәм. Бу ачыгдыр, һамы билир. Бинәгәдидә ағсаггалымыз Һаҹы Мадәрдир. Амма мән елә бир сөз ишләтмәмишәм". Мәһкәмә ҝүнүн икинҹи јарысында давам едәҹәк.


220 дәфә бахылыб
Лоадинҝ ...
Nur-Az Xeber
25.05.17, 14:49
КАРИКАТУРА
24.05.17, 09:52
КАРИКАТУРА
24.05.17, 09:48
ЈЕНӘ ИНТИҺАР
23.05.17, 10:29