Шрифт өлчүсү:

19 Август 2019

Ливанын Һизбуллаһ һәрәкатынын баш катиби Сејид Һәсән Нәсруллаһ 33 ҝүнлүк мүһарибәдәки гәләбәјә тохунараг, бу һадисәнин Илаһи бир гәләбә олдуғуну билдириб.

Wелајет Неwс хәбәр верир ки, Сејид Һәсән Нәсруллаһ 2006-ҹы илдәки 33 ҝүнлүк мүһарибәдәки гәләбәнин нөвбәти илдөнүмү мүнасибәтилә етдији чыхышыны, бу гәләбәни тәгдир етмәклә башалајараг, белә давам едиб: “Трамп Иранын ҝүҹлү вә ҹәсур олдуғуну баша дүшән кими, Иранла дөјүшмәкдән ҝери чәкилди. Иран Американын кәшфијјат тәјјарәсини вурмагла вә Британијаја мәхсус нефт танкерини (Стена Имперо) сахламагла ҹәсарәтини сүбут етди.

Американын Ирана гаршы мүһарибә елан етмәкдән чәкинмәси бир гәләбәдир вә Трампын Иранын һәрби ҝүҹүнүн фәргиндә олдуғуну ҝөстәрир. Иранла мүһарибә бүтүн мүгавимәт оху илә дөјүшмәк вә бүтүн реҝионун аловланмасы демәкдир”.

Халгын 33 ҝүнлүк мүһарибәнин гәләбәсинин илдөнүмү тәдбирләриндә ҹидди шәкилдә иштирак етмәсинә тохунан Сејид Һәсән Нәсруллаһ, белә дејиб: “Халгын ҹидди олараг бу мәрасимә гатылмасы, дүшмәнә галиб ҝәлмә ҝүҹүнә олан иманларынын һансы нисбәтдә јүксәк олдуғуна ишарә едир. Халгымызын һисс етдији буҝүнкү тәһлүкәсизлик вә дашындырыҹы ҝүҹ едилән ҹиһад вә фәдакарлыг гаршылығында әлдә едилмишдир вә дүшмәнин Ливана һүҹумдан горхмасы едилән данышыгларын вә сәсләндирилән шүарларын јох, 1982-ҹи илдән башлајараг ҝүнүмүзә гәдәр давам едән ҝеҹә-ҝүндүз ишләрин нәтиҹәсидир”.

Һизбуллаһын баш катиби, сөзләринин давамында бунлары гејд едиб: “2006-ҹи илдә Ливана гаршы башладылан мүһарибә јени Јахын Шәргин гурулмасы вә Американын бөлҝәдәки дөјүшүнүн тамамланмасы үчүн башладылмышды. 33 ҝүнлүк мүһарибә мүгавимәтин мәһв едилмәси, Сурија дөвләтинин дағыдылмасы вә Ирагда Американын ишғалынын давам етмәси үчүн бир башланғыҹ иди. Исраил режими әҝәр мүһарибәни давам етдирсәјди, бөјүк бир фәлакәтлә гаршылашарды вә диҝәр тәрәфдән исә мүһарибәнин јаратдығы һуманитар вә иҹтимаи шәртләр бизи мүһарибәни сона чатдырмаға разы салды”.

Сејид Һәсән Нәсруллаһ Американын 33 ҝүнлүк мүһарибәдәки ролуна да тохунараг, белә данышыб: “Ҹон Болтон, Нју-Јоркда Әрәб өлкәләринә, Һизбуллаһы мәғлуб едиб сылаһсызландырана гәдәр мүһарибәнин дајанмајаҹағыны сөјләмишди. Бу ҝүн әлимиздә олан имканлар 33 ҝүнлүк мүһарибәнин шәртләри илә әсла мүгајисә олуна билмәз”.

Һизбуллаһын баш катиби мүгавимәт рәмзи олан Бинт-и Ҹубејл кәнди вә сионистләрин бу кәндә гаршы кин бәсләмәләринә ишарә едәрәк, белә дејиб: “Сионист режимин һәрби назири Исраил режиминин һөрүмчәк шәбәкәсиндән даһа зәиф олмадығыны сөјләмәк үчүн Бинт-и Ҹубејли исрарла ишғал етмәк истәјирди, амма баҹара билмәди. Сионист назир Исраил режими гуру гүввәләринин Ливана вә ја Гәззаја гаршы гуру һәрәкаты башлада билмәјәҹәјини вурғуламышды”.

Һизбуллаһын баш катиби Исраил режими, Сәудијјә Әрәбистаны, БӘӘ вә Фарс көрфәзиндәки бәзи Әрәб режимләринин бөлҝәни мүһарибәјә сүрүкләмәјә чалышдыгларыны гејд едәрәк, белә дејиб: “Һизбуллаһ, Јәмән вә Суријада мүһарибәнин дајанмасы вә Ираг вә Ливанда стабиллијин горунмасынын тәрәфдарыдыр”.

Мүгавимәтин тәҹрүбәләринә дә тохунараг, 33 ҝүнлүк мүһарибәнин сона чатмасындан етибарән давамлы тәлим, тәҹрүбә әлдә етмә вә ирәлиләмәкдә олдугларыны гејд едән Сејид Һәсән Нәсруллаһ, белә данышыб: “Әҝәр бир дәфә даһа бизә һүҹум едәрләрсә, Ҹәнуби Ливан торпагларынын һамысы бу ҝүн ичиндә бајрам етдијимиз мүгавимәт мүстәвиси кими олаҹаг вә ҹанлы јајындан сионист бригадаларынын мәһв олмасына шаһид олаҹағыг”.

Фәләстинлиләрин мүгавимәт әмәлијјатларына да тохунан Һизбуллаһ лидери, белә дејиб: “Фәләстинлиләрин Иордан чајынын гәрб саһилиндә, Гәззада вә ишғал алтындакы Гүдсдә тәшкил етдији әмәлијјатлар мүгавимәтин бөлҝәдә ирәли бир сәвијјәјә јүксәлдијини ҝөстәрир”.

Сөзләринин сонунда, “Мүгавимәт охунун бир үзвү олмагдан гүрур дујуруг” дејән Сејид Һәсән Нәсруллаһ, “Мүгавимәт оху өз мүгавимәтијлә бөлҝәдә дағыдыҹы мүһарибәнин гаршысыны алаҹагдыр, мүһарибә һәрислијинә мане олаҹаг вә мүгавимәтин дәјәри тәслим олмагдан даһа аздыр”.

Һизбуллаһ лидери Ливанын дахили мәсәләләријлә әлагәдар олараг исә, бунлары дејиб: “Һеч вахт ҝүҹлү олма әсасына ҝөрә рәфтар етмәдик вә бүтүн тәрәфләрлә әмәкдашлыг етмәк истәјирик”.

Сејид Һәсән Нәсруллаһ Һизбуллаһын сијаси рәгибләринә дә белә сәсләниб: “Әҝәр Америка вә Исраил режими 33 ҝүнлүк мүһарибәдә галиб олсајды, инди сизинлә рәфтар етдијимиз кими, сиз дә рәфтар едәрдиниз?”/дејерлер/