Şrift ölçüsü:
A+
A
A-
Kr
15 Aprel 2024

Rusiya XİN-nin sözçüsü sionist rejim səfirinin xahişini rədd etdi

Sionist rejimin Moskvadakı səfiri Simona Halperinin İsrailin Rusiyadan İranın bu rejimə kütləvi raket hücumunu pisləyəcəyini gözlədiyini bildirməsinin ardınca, bu açıqlama Moskvanın mənfi reaksiyası ilə üzləşdi.

Rusiya Xarici İşlər Nazirliyinin mətbuat katibi bazar günü sionist rejimin səfirinə xitabən yazıb: “Simona, İsrailin Kiyev rejiminin Rusiya ərazilərinə ən azı bir hücumunu pislədiyini mənə xatırlat. Yadına gəlmir? Mən də həmçinin.”

Mətbuat katibi əlavə edib: “Mən İsrail rəsmilərinin Zelenskinin hərəkətlərini dəstəkləyən mütəmadi bəyanatlarını xatırlayıram. Bu çox cinayətkar və terror aktları nəticəsində ilbəil dinc insanlar həlak olur və mülki infrastrukturlar dağılır.”

Zaxarovanın açıqlamasından əvvəl Rusiya Xarici İşlər Nazirliyi İran İslam Respublikasının sionist rejimə raket və pilotsuz təyyarə ilə cavab əməliyyatı haqda bəyanat yayaraq, BMT Təhlükəsizlik Şurasının İsrailin Dəməşqdəki İran konsulluğuna hücumu ilə bağlı müvafiq tədbir görə bilməməsinə toxunub və regionda vəziyyətin daha da pisləşməsinin qarşısını almaq üçün bütün tərəfləri təmkinli olmağa çağırıb.

Rusiya XİN-nin bəyanatda bildirilir: “İran Xarici İşlər Nazirliyinin açıqlamasına görə, bu hücum özünümüdafiə məqsədi çərçivəsində və BMT-nin Nizamnaməsinin 51-ci maddəsinə əsaslanaraq, İranın bölgədəki hədəflərinə, o cümlədən Dəməşqdəki İran konsulluğunun binasına hücuma – Rusiyanın daha əvvəl bu hücumu pisləmişdi– cavab olaraq həyata keçirilib.”

Rusiya Xarici İşlər Nazirliyi daha sonra BMT Təhlükəsizlik Şurasında İsrailin təcavüz aktını pisləyən bəyanatın verilməməsinə işarə edərək vurğulayıb: “Təəssüf ki, bu şura qərbli üzvlərinin mövqeləri səbəbindən İran konsulluğuna hücuma lazımi reaksiya verə bilmədi.”/irna/


2490 dəfə baxılıb
Loading ...
Nur-Az Xeber
19.05.24, 12:13
Urmiya gölünün xilası
16.05.24, 12:27
Hərbçimiz vəfat etdi
Go to TOP