Şrift ölçüsü:
A+
A
A-
Kr
28 Aprel 2021

Dünya çempionatında faciə: Boksçu rinqdə öldü

İordaniyalı boksçu Raşed əl-Svaisat Polşanın Kelts şəhərində gənclər arasında keçirilmiş dünya çempionatında aldığı zərbədən dünyasını dəyişib.

Bu barədə Beynəlxalq Həvəskar Boks Assosiasiyasının (AIBA) rəsmi saytı məlumat yayıb.

Xəbərə görə, 19 yaşlı idmançı aprelin 16-da 81 kq çəki dərəcəsində estoniyalı Anton Vinoqradovla üçüncü raund qarşılaşmasında öldürücü zərbəyə məruz qalıb. Huşunu itirərək yerə yıxılan Svaisat xəstəxanaya çatdırılıb. Həkimlərin bir neçə gün davam edən səylərinə baxmayaraq, onun həyatını xilas etmək mümkün olmayıb.

Faciəvi hadisə ilə əlaqədar mərhumun əzizlərinə və komanda yoldaşlarına başsağlığı verilib.

Qeyd edək ki, dünya çempionatında Azərbaycan yığması bir medalla kifayətlənib. Nicat Hüseynov 49 kq çəki dərəcəsində bürünc medala sahib olub.
761 dəfə baxılıb
Loading ...
Nur-Az Xeber
13.05.21, 08:54
Bulvarda intihara cəhd
05.05.21, 09:34
Samuxda intihar
26.04.21, 09:24
Zərif: Dialoqa ehtiyac var
Go to TOP