Шрифт өлчүсү:
А+
А
А-
06 Октјабр 2013

Ирагда ҝүн әрзиндә 60-дәк инсан террор актларынын гурбаны олуб

Ирагда октјабрын 5-дә төрәдилмиш бир нечә террор актлары нәтиҹәсиндә өләнләрин сајы 60-а чатыб.

АПА-нын “ИТАР ТАСС”а истинадән вердији хәбәрә ҝөрә, бу барәдә полисин ачыгламасында билдирилир.

Биринҹи партлајыш Балад шәһәриндә гејдә алыныб. Террорчу-камикадзе кафејә дахил олараг өзүнү партладыб, нәтиҹәдә 12 нәфәр өлүб. Гејд едәк ки, августун 12-дә бу кафедә төрәдилмиш парлајыш нәтиҹәсиндә 24 нәфәр өлүб.

Бундан башга, Бағдадда нәзарәт-бурахылыш мәнтәгәсиндә төрәдилмиш партлајыш нәтиҹәсиндә даһа 48 нәфәр өлүб.

Даһа бир ганлы һадисә Мосул шәһәриндә баш вериб. Ирагын “Әш-Шәркијә” телеканалынын чәкилиш групунун атәшә тутулмасы нәтиҹәсиндә мүхбир вә оператор өлүб.
5071 дәфә бахылыб
Лоадинҝ ...
Nur-Az Xeber
Go to TOP