Шрифт өлчүсү:
А+
А
А-
24 Апрел 2015

“Инсанлар аҹындан өлмәмәк үчүн әрзаг оғурламаға мәҹбур олур”

Сон вахтлар Азәрбајҹанда әрзаг оғурлуғу һалларынын сајында ҹидди артым мүшаһидә едилмәкдәдир. Садәҹә КИВ-дә дәрҹ едилән мәлуматларын үмумиләшдирилмәсини апармаг кифајәтдир ки, сон 1-2 ај әрзиндә бу нөв ҹинајәтләрдә әһәмијјәтли артымын баш вердији мүәјјән едилсин.
Ҹари илин 16 апрел тарихиндә Бакынын Хәзәр рајонунун Шаған гәсәбәсиндә ики гадынын мағазадән әрзаг оғурлајаркән һәбс едилмәси илә бағлы јајылан рәсми мәлумат да әрзаг оғурлуғу һалларынын гадынлар арасында да артмасындан хәбәр верир.
Мараглыдыр, Азәрбајҹанда әрзаг оғурлуғунун артмасынын сәбәби нәдир? Доғруданмы, артыг халгын сосиал-игтисади дуруму о гәдәр писләшиб ки, алыҹылыг габилијјәтини итирән инсанлар әрзаға олан тәләбатларыны өдәмәк үчүн мағаза вә маркетләрдән оғурлуг етмәк мәҹбуријјәти гаршысында галыбдыр? Бир халгын гадынларыны да әрзаг оғрусуна, чөрәк оғрусуна чевирмәк бир халгын үзләшә биләҹәји ән бөјүк фаҹиә дејилми?
Бунунла бағлы Модератор.аз сајты вә “Һүрријјәт” гәзетинә ачыглама һүгугшүнас Мүзәффәр Бахышов баш верән әрзаг оғурлуғунун көкүндә әсасән сосиал-игтисади вәзијјәтин ағырлашмасы ҝерчәјинин дајандығыны сөјләди:
“Белә һаллар мән дә ешитмишәм. Мүәјјән инсанлар вар ки, онлар евләринә әрзаг алмаг имканындан мәһрумдурлар. Онларын әрзаға олан тәләбатларыны өдәмәк үчүн ҝәрәкли вәсаитләри јохдур. Бу сәбәбдән дә әрзаг оғурлуғу илә мәшғул олурлар. Бу ҹүр инсанлар вар. Бунунла бағлы мәндә дә мүәјјән информасијалар мөвҹуддур. Амма башга һал да ола биләр. Ола билсин ки, кимсә бунунла бир пешә олараг мәшғул олсун. Мағазалардан әрзаглары оғурласын вә даһа сонра һансыса јолла ону реаллашдырсын, сатсын, мадди тәләбатыны өдәсин. Амма индики һалда бу еһтимал о гәдәр дә инандырыҹы ҝөрүнмүр. Чүнки бу ҹинајәти төрәдәнләр чох бөјүк риск алтына ҝирирләр. Онлар мағаза дахил оландан чыхана кими һәр ан тутула биләҹәкләри рискини чох ҝөзәл анлајырлар. Ҝөрүнүр, һәгигәтән дә инсанларын сосиал вәзијјәтинин кәскинләшмәси вә аиләләрини сахлаја билмәмәси ачыг-ачығына әрзаг оғурлуғунун баш вермәси ҹинајәтинә ҝәтириб чыхардыр. Азәрбајҹанда инсанларын сосиал вәзијјәти һәр ҝүн кәскин шәкилдә ашағы дүшүр. Хүсусилә дә манатын сон девалвасијасындан сонра бу вәзијјәт сон һәддә чатыб. Мүәјјән инсанлар вар ки, онлар артыг аҹлыг һәддиндә јашајырлар вә аҹындан өлмәмәк үчүн бу ҹинајәтләри төрәтмәјә мәҹбур олурлар”.
920 дәфә бахылыб
Лоадинҝ ...
Nur-Az Xeber
Go to TOP