Шрифт өлчүсү:
А+
А
А-
14 Нојабр 2020

Әрәбистан коалисијасы командирләринин иҹласы бомбаланды

Јәмән мәнбәләри бу өлкә ордусу вә халг комитәләринин Мәариб әјаләтидә тәҹавүзкар Әрәбистан коалисијасына аид Тәдавин базасына дәгиг ракет зәрбәси ендирдијини хәбәр вериб.
“Хәбәр әл-Јәмәни” хәбәр аҝентлијинин јаздығына ҝөрә, бу һүҹумда Әрәбистан коалисијасы вә истефа вермиш һөкумәтә садиг гүввәләрин командирләринин иҹласы балистик ракетлә вурулуб. Иҹласда иштирак едәнләрин һамысы өлүб вә ја ағыр јараланыб.
Бәзи һәрби мәнбәләр дә истефа верәрәк өлкәдән гачмыш Мәнсур Һади һөкумәтинин мүдафиә назири ҝенералы Мәһәммәд Мәгдушу вә орду баш гәрарҝаһ рәиси ҝенарал Сәғир ибн Әбдүләзизин өлдүјүнү хәбәр верирләр. Бу ики нәфәрин талеји намәлум олараг галмагдадыр.
Јаралылар арасында әрәбистанлы командирләрдән Әһмәд Кәби, Шами Мәһәммәд Усејри вә Тариг Әһмәд Мәһбәшинин адлары вардыр.
Әрәбистан вә истефа верәрәк гачмыш М. Һади һөкумәти бу ракет һүҹумуна һәлә һеч бир мүнасибәт билдирмәјиб.
Тәдавин һәрби базасы Јәмән ордусу вә Әнсаруллаһ Һәрәкаты гүввәләринин мүһасирәсиндәдир. База бундан әввәл дә ракетлә вурулмушду. Һүҹум нөвү, јүксәк рүтбәли командирләрин иҹласынын заман вә мәканы һагда мәлумат М. Һади һөкумәтинин үнсүрләри бир-бирләрини Сәнаја ҹасуслуг етмәкдә ҝүнаһландырмасына сәбәб олмушдур.
Јәмән ордусу вә Әнсаруллаһ гүввәләри нечә ајдыр ки, Мәариб шәһәрини јарым мүһасирәдә сахламышдыр. Мәариб шәһәри Әрәбистан коалисијасы үчүн ән мүһүм база сајылыр.
Јәмән ордусу дүнән ахшам интиһар гајыглары васитәсилә тәҹавүзкар Әрәбистанын Ҹазанда јерләшән нефт мәһсуллары платформасына һүҹум едиб вә бу һүҹум платформада бөјүк јанғына сәбәб олуб. Әрәбистан рәсми телевизијасы бу хәбәри тәсдиг едиб.
531 дәфә бахылыб
Лоадинҝ ...
Nur-Az Xeber
01.02.21, 10:00
Портағал
Go to TOP