Рәҹәб ајынын оруҹу һаггында һејрәтләндириҹи саваб

Шејх Сәдуг “Сәвабул-әмал” вә “Әмали” китабларында өз сәнәди илә нәгл едир ки, Пејғәмбәр (с) бујурду:
“Һәр ким Рәҹәб ајынын отуз ҝүнүнү оруҹ тутса, сәмадан бир ҹарчы белә сәсләнәр: “Еј Аллаһын бәндәси! Кечмиш ҝүнаһларын бағышланды, өмрүнүн галан һиссәсиндә әмәлләрини тәзәдән башла.”

Мүтәал Аллаһ бүтүн ҹәннәтләрин һәр бириндә она гызылдан 40 милјон шәһәр верәр, һәр шәһәрдә 40 милјон гәср, һәр гәсрдә 40 милјон отаг, һәр отагда 40 милјон гызыл сүфрә, һәр сүфрәдә 1 милјон бөјүк сини, һәр синидә 40 милјон чешиддә, ајры-ајры хөрәк вә ичкиләр вардыр.

Һәр бир евдә 40 милјон гызыл тахт вардыр ки, онларын һәр биринин ени мин зира, узуну мин зирадыр. Тахтын һәр бириндә һурул-ејндән бир кәниз вардыр. Онларын һәр биринин нурдан 300 мин зүлфү вардыр, бу зүлфләрин һәр бириндән мүшк вә әнбәр нишанәси олан 1 милјон ҹәваһир асылмышдыр ки, Рәҹәб ајыны оруҹ тутан онун јанына ҝәлсин.

Бүтүн бунлар Рәҹәб ајынын һәр ҝүнүнү оруҹ тутан шәхс үчүндүр.

Дедиләр: “Еј Аллаһын рәсулу (с)! Әҝәр бир кәс зәифлији, ја хәстәлијинә ҝөрә, јахуд гадын үзүрлү олдуғуна ҝөрә оруҹ тута билмәсә, вәсф етдијин саваба јетишмәк үчүн нә етмәлидир?”

Һәзрәт бујурду: “Һәр ҝүн үчүн бир әдәд чөрәк сәдәгә версин.
Анд олсун ҹаным онун әлиндә олан кәсә! Әҝәр һәр ҝүн белә сәдәгә версә, дедикләримә вә ондан артығына да јетишәр. Чүнки ҝөјләрин вә јерин бүтүн мәхлугаты топлашараг бу әмәлин савабынын мигдарыны өлчмәк истәсәләр, ҹәннәтләрдә она чатаҹаг фәзиләт вә дәрәҹәләрин онда бирини дә өлчә билмәзләр.”

Дедиләр: “Еј Аллаһын рәсулу (с)! Сәдәгә верә билмәјән кәс вәсф етдикләринә јетишмәк үчүн нә етмәлидир?”
Һәзрәт бујурду: “Рәҹәб ајы 30 ҝүн бојунҹа һәр ҝүн бу тәсбиһи 100 дәфә десин:

سُبْحَانَ الْإِلَهِ الْجَلِيلِ، سُبْحَانَ مَنْ لا يَنْبَغِي التَّسْبِيحُ إِلّا لَهُ، سُبْحَانَ الْأَعَزِّ الْأَكْرَمِ، سُبْحَانَ مَنْ لَبِسَ الْعِزَّ وَ هُوَ لَهُ أَهْلٌ

Субһанәл-илаһил-ҹәлил. Субһанә мән ла јәнбәғит-тәсбиһу илла ләһ. Субһанәл-әиззил-әкрәм. Субһанә мән ләбисәл-иззә вә һувә ләһу әһл.

Бөјүк Аллаһ бүтүн ејбләрдән пак вә узагдыр. Бүтүн ејбләрдән пак вә узагдыр о Аллаһ ки, тәсбиһ вә зикр Ондан башгасына лајиг дејил. Әзиз вә кәрим Аллаһ бүтүн ејибләрдән пак вә узагдыр. Иззәт либасына мәхсус вә иззәт саһиби олан Аллаһ бүтүн ејбләрдән пак вә узагдыр.

3259 дәфә бахылыб

Шәрһләрә бах вә Шәрһ јаз