Шрифт өлчүсү:
А+
А
А-
26 Сентјабр 2021

Русија гырыҹылары Түркијәјә бағлы террорчуларын мөвгеләрини бомбалады

Суријанын һәрби мәнбәләри Һәләбин шималында Түркијә дәстәкли террорчуларын мөвгеләринин бомбаландығыны хәбәр верибләр.
“Әл-Мәјадин”-ин јаздығына ҝөрә, Түркијәјә бағлы террорчуларын мөвгеләри Һәләбин шималында Африн шәһәри әтрафында вурулуб.
“Сурија Пост” сајты јазыб ки, Русија гырыҹылары бу террорчуларын мөвгеләрини Афринин Басуфан кәнди јахынлығында бомбалајыб. Лакин иткиләр барәдә һәлә мәлумат јајылмајыб.
Сурија мүхалифәтинә аид медиалар Русија гырыҹыларынын террорчуларын мөвгеләрини Африндән әлавә, Идлибин шималында Кәтибә јүксәкликләриндә вә ҹәнубунда Ејн Шејб вә Рәвиһә бөлҝәләриндә дә бомбаладығыны билдирибләр.
Мәркәзи Лондонда јерләшән вә Суријада јерләшән террорчулара јахын “Инсан һүгуглары мәркәзи” исә јазыб: “Ҹари илдә рус гырыҹыларынын һава һүҹумлары артыб вә индијәдәк 186 һава һүҹуму баш тутуб. Онлардан 140-ы Идлиб, 25-и Лазигијјә, 2-си Һомада вә 19-у Һәләбдә һәјата кечирилиб.”
Түркијәјә бағлы террорулара гаршы һава һүҹуму Сурија Вәтән Ордусу (сабиг Азад Сурија Ордусу) террор групунун Суғанке кәндиндә Сурија ордусу мөвгеләринә һүҹум етмәсиндән сонра баш тутуб. Террорчуларла дөјүшдә Сурија ордусунун 4 әсҝәри јараланыб. Террор групу итки верәрәк ҝери чәкилмәјә мәҹбур олуб вә бу вахт минаја дүшүб. Һадисәдә бир нечә террорчу өлүб вә јараланыб.
2201 дәфә бахылыб
Лоадинҝ ...
Nur-Az Xeber
26.11.21, 00:40
Ҝеҹә рәвајәти
Go to TOP