Шрифт өлчүсү:
А+
А
А-
12 Јанвар 2022

Русијалы ҝенерал: “Буну етсәк, НАТО-нун бу үзвләри КТМТ-јә ҝәлә биләр"

“Газахыстандакы бөһранын өһдәсиндән уғурла ҝәлән КТМТ НАТО-ја гаршы антипод кими ҝүҹләнмәли, дахилдә даһа да сых әмәкдашлыг етмәлидир”.

Буну Русија Силаһлы Гүввәләринин кечмиш баш гәрарҝаһ рәиси, орду ҝенералы Јури Балујевски дејиб.

“КТМТ әслиндә НАТО-нун антиподудур, амма тәшкилаты ҝүҹләндирмәк лазымдыр ки, диҝәрләри дә она гошулмаг истәсинләр”, - Балујевски билдириб.

Онун сөзләринә ҝөрә, бунун үчүн тәшкилаты шәхси һејәтлә ҝүҹләндирмәк, тәлимләр кечирмәк, һәрби вә һәрби-техники әмәкдашлығы инкишаф етдирмәк лазымдыр.

“Бизә КТМТ чәрчивәсиндә дөвләт сифариши лазымдыр ки, иштиракчы өлкәләрин һәрби-сәнаје мүәссисәләри јени нөв силаһ вә һәрби техниканын јарадылмасына ҹәлб олунсун”, - ҝенерал дејиб.

Онун фикринҹә, һәтта инди НАТО-да олан Варшава Пактынын кечмиш үзвү олан дөвләтләр дә гајыдыб-гајытмамаг барәдә дүшүнәҹәкләр.
1308 дәфә бахылыб
Лоадинҝ ...
Nur-Az Xeber
Go to TOP