Шрифт өлчүсү:
А+
А
А-
05 Мај 2022

Фәләстин мүгавимәтиндән сионист режиминә ҹидди хәбәрдарлыг

Сионистләрин груп шәклиндә Мәсҹидүл-Әгсаја дахил олма чағырышындан сонра мүгавимәт груплары бу һәрәкәтлә бағлы сионист режиминә сәрт хәбәрдарлыг едибләр.

Фәләстин мүгавимәт груплары, о ҹүмләдән Ислами Мүгавимәт (ҺӘМАС) вә Ислами Ҹиһад һәрәкатлары бу ҝүн ҝүнорта (чәршәнбә ҝүнү) сәрт бәјанатла чыхыш едибләр.

ҺӘМАС-ын рәсми хәбәр аҝентлијиндә јер алмыш бәјанатда дејилир:

"Ишғалчы сионист режими мәгамларынын сионист гәсәбә мүһаҹирләринә сабаһ (ҹүмә ахшамы) мүгәддәс Мәсҹидүл-Әгса мәсҹидинин һәјәтинә ҝирмәјә иҹазә вермәләри одла ојнамагдыр. Бу исә реҝиону ҝәрҝинлијә сүрүкләјир ки, бунун үчүн бүтүн мәсулијјәти ишғалчы режим өзү дашыјаҹаг."

Бәјанатын давамында ҺӘМАС Фәләстинин гәһрәман халгыны Фәләстин кимлији вә мүсәлманларын дини вә илк гибләсини мүдафиә етмәк үчүн Мәсҹидүл-Әгсада топлашмаға вә Гүдс шәһәриндә һазыр ол вәзијјәтиндә дајанмаға чағырыб.

Ислами Ҹиһад Һәрәкаты да сионист мүһаҹирләрин һәр һансы һәрәкәти илә бағлы сәрт хәбәрдарлыг едәрәк вурғулајыб: "Мәсҹидүл-Әгсаја дахил олмаг чағырышыны милләтимизә вә мүгәддәсләримизә гаршы мүһарибә кими гијмәтләндиририк. Мәсҹидүл-Әгсаны вә Гүдсмүзү мүдафиә етмәк үчүн һеч нәји әсиҝәмәјәҹәјик."

Ислами Ҹиһад Һәрәкаты Фәләстин халгыны сабаһ Мәсҹидүл-Әгсаја ҝетмәјә вә сионист мүһаҹирләрин мәсҹидә дахил олмасынын гаршысыны алмаға чағырыб.

Халг Мүгавимәт Комитәләри дә бәјанат јајараг сионистләрин Мәсҹидүл-Әгсаја јүрүшү илә бағлы сәрт хәбәрдарлыг едиб, бу һәрәкәти мүгәддәс мәсҹидә һөрмәтсизлик, одла ојнамаг вә чох тәһлүкәли аддым адландырыб, ҹинајәткар сионист дүшмәнин бунун баһасыны өдәмәли олаҹағыны вурғулајыб.

Фәтһ Һәрәкаты да билдириб ки, Мәсҹидүл-Әгсада сионист режими бајрағынын галдырылмасы вә онун һәјәтиндә маһны охумаг мүсәлманларын һиссләрини инҹидир. Һәрәкат Тәл-Әвивин Фәләстиндә истәнилән дини тәһрикләрә ҝөрә мәсулијјәт дашыјаҹағыны вурғулајыб.

Бу бәјанатлар сионист групларын сионистләри сабаһ "мүстәгиллик ҝүнү" адландырдыглары ҝүн мүнасибәтилә Мәсҹидүл-Әгсаја јүрүш етмәјә чағырмасындан сонра верилиб.

Гејд едәк ки, Түркијә вә БӘӘ кими бир сыра мүсәлман режимләринин башчылары Ислам вә мәзлум мүсәлманларын ганына хәјанәт едәрәк гондарма Исраил режиминин мүстәгиллик ҝүнүнү тәбрик едибләр, беләликлә сионистләрин мүсәлманлара гаршы һәр һансы зүлмүнә јашыл ишыг јандырдыгларыны билдирибләр. Һалбуки, һәмин ҝүн Фәләстин торпагларынын ишғалынын вә милјонларла мүсәлман фәләстинлинин өз ата-баба торпагларындан говулмасынын, зүлмә мәруз галмасынын, күтләви шәкилдә гәтлиам едилмәсинин башландығы ҝүндүр. Мәзлум фәләстинлиләр бу ҝүнү "Бәдбәхтлик Ҝүнү" кими гејд едирләр.
1378 дәфә бахылыб
Лоадинҝ ...
Nur-Az Xeber
02.08.22, 09:32
Ҹәннәт бејәти
Go to TOP