Шрифт өлчүсү:
А+
А
А-
11 Мај 2022

ДСХ-нин ҝизири интиһар етди, ҹинајәт иши ачылды

Дөвләт Сәрһәд Хидмәтинин (ДСХ) Сәрһәд Нәзарәтинин Ағстафа рајону әразисиндә јерләшән шөбәсинин һәгиги һәрби хидмәт һәрби гуллугчусу ҝизир Тәрлан Рафиг оғлу Әлизадә јашадығы хидмәти мәнзилдә интиһар едиб.

Бу барәдә ДСХ-нин Мәтбуат Мәркәзиндән мәлумат верилиб.

Бу барәдә Республика Һәрби прокурорунун бөјүк көмәкчиси-Һәрби Прокурорлуғун Мәтбуат хидмәтинин рәһбәри, баш әдлијјә мүшавири Фирад Әлијев дејиб. О билдириб ки, 10 мај 2022-ҹи ил тарихдә Дөвләт Сәрһәд Хидмәтинин һәрби гуллугчусу, ҝизир Әлизадә Тәрлан Рафиг оғлунун һәмин ҝүн хидмәти мәнзилдә өзүнү асараг өлдүрмәси барәдә Шәмкир һәрби прокурорлуғуна мәлумат дахил олуб:

"Дахил олмуш мәлумат әсасында Шәмкир һәрби прокурорлуғунун әмәкдашлары тәрәфиндән һадисә јеринә вә мејитә бахыш кечирилиб, иш үчүн әһәмијјәт кәсб едән предметләр мадди сүбут кими ҝөтүрүлүб, изаһатлар алыныб, мүвафиг експертизалар тәјин олунмуш вә диҝәр зәрури һәрәкәтләр јеринә јетирилиб.

Һазырда Шәмкир һәрби прокурорлуғунда арашдырма давам етдирилир вә ганунвериҹилијин тәләбләринә ујғун олараг бүтүн тәдбирләрин ҝөрүлмәси тәмин едиләҹәк".
1276 дәфә бахылыб
Лоадинҝ ...
Nur-Az Xeber
Go to TOP