Шрифт өлчүсү:
А+
А
А-
08 Сентјабр 2022

Сурија ХИН: Сионист режимин Һәләб һава лиманына һүҹуму һәрби ҹинајәтдир

Сурија Хариҹи Ишләр Назирлији сионист режимин мүлки мәркәзләрә гаршы тәкрар тәҹавүзүнү һәрби ҹинајәт адландырыб.

Сурија Хариҹи Ишләр Назирлији өз Твиттер һесабында јазыб: "Сионист режимин тәҹавүзүнүн тәкрарланмасы, хүсусилә дә Суријадакы мүлки мәркәзләрин системли вә мәгсәдјөнлү шәкилдә һәдәфә алынмасы, сонунҹу дәфә Һәләб Бејнәлхалг Һава Лиманына һүҹум едилмәси бејнәлхалг һүгуга ҝөрә һәрби ҹинајәтдир вә Исраил буна ҹаваб вермәлидир."

Бәјанатда билдирилир ки, ишғалчы сионист режимин сәлаһијјәтлиләри тәһлүкәли һүҹумлары интенсивләшдирмәклә јенидән бөлҝәнин сүлһ вә тәһлүкәсизлијини тәһдид едир вә динҹ әһалинин һәјатыны тәһлүкәјә атыр, Суријада вә бөлҝәдә мүлки учушларын әмин-аманлығыны тәһдид едир.

Сурија "САНА" рәсми хәбәр аҝентлијинин мәлуматына ҝөрә, бу ачыгламада вурғуланыр ки, Сурија гануни һүгугундан истифадә едәрәк өз торпағыны вә халгыны бүтүн лазыми васитәләрлә мүдафиә едәҹәк вә ишғалчы режим мәмурларынын бу ҹинајәти төрәтдикләринә ҝөрә мәсулијјәтә ҹәлб едилмәсинә сәј едәҹәк.

Сурија хәбәр мәнбәләри өтән ҝеҹә сионист режимин Һәләб һава лиманыны һава һүҹумлары илә һәдәфә алдығыны билдирибләр.
2341 дәфә бахылыб
Лоадинҝ ...
Nur-Az Xeber
Go to TOP