Шрифт өлчүсү:
А+
А
А-
17 Октјабр 2024

Јумурта ушағын инкишафы үчүн ваҹибдир

Јумурта инсан үчүн ән әһәмијјәтли протеин гајнагларындан биридир. Онун тәркибиндәки зүлалын мигдары чох јүксәкдир вә инсан мәдәси бунун јүз фаизини һәзм едиб истифадә едә билир.

Бу сөзләри Түркијәдә ушаг сағламлығы вә хәстәликләри мүтәхәссиси Др. Ширин Сечкин дејиб.

Онун сөзләринә ҝөрә әтин тәркибиндәки зүлалын тәркибиндә дә дәмир вар вә буна ҝөрә дә ону һәзм етмәк вә удмаг даһа чәтин олур.

Јумуртанын ушагларын гидаланмасында чох әһәмијјәтли олдуғуну дејән Сечкин, зүлалын әвәзолунмаз бир елемент олдуғуну дејиб.

"Ушаглар бөјүјүр вә инкишаф едир, она ҝөрә дә һәр ҝүн мүәјјән мигдарда зүлал гәбул етмәлидирләр. Бунун үчүн дә јумурта ушаглар үчүн әһәмијјәтли бир гида гајнағыдыр.

Көрпәләр 6 ајдан сонра јумурта јејә биләр, амма илк олараг јумуртанын сарысы илә башламалыјыг. Бир нечә ајдан сонра һеч бир проблем олмадығыны ҝөрәндә она јумуртанын ағыны да вермәји төвсијә едирик. Ушаглар һәр ҝүн бир јумурта јејә биләр", о дејиб.

Јумуртанын тәркибиндә 78 калори вар. 6 грам протеин, 5 грам јағ вә 180 мг холестерин вар. Јумуртанын сарысы даһа чох протеинлә зәнҝиндир.

Һәким һәмчинин органик јумурталара үстүнлүк верилмәли олдуғуну дејиб. О һәмчинин билдириб ки, јемәк биширәркән, јумуртанын сарысынын чох бәркимәмәсинә диггәт етмәк лазымдыр, чүнки чох бишдији заман тәркибиндәки фајдалы јағлар зәрәрли јағлара чеврилир вә онун гида дәјәри итир.
1806 дәфә бахылыб
Лоадинҝ ...
Nur-Az Xeber
Go to TOP