Шрифт өлчүсү:

05 Јанвар 2016

Ичәришәһәр “Ҹүмә” мәсҹидинин имам-ҹамааты, ДЕВАММ (Дини Етигад вә Виҹдан Азадлыгларынын Мүдафиә Мәркәзи) сәдри, илаһијјатчы-философ Һаҹы Илгар Ибраһимоғлу өз рәсми “Фаҹебоок” сәһифәсиндә Ајәтуллаһ Шејх Нимрин Сәудијјә режими тәрәфиндән едам едилмәси вә бу һадисә фонунда мүсәлманларын мәсулијјәтләри мөвзусунда видео-ачыглама едиб. Дејерлер.орҝ ачыгламанын адаптә олунмуш мәтнини тәгдим едир:

“Бисмилләһир-Раһмәнир-Раһим!
İнна лиллаһ вә иннә илејһи раҹиун! Һәгигәтән, һамымыз Аллаһдан ҝәлмишик вә Аллаһа доғру гајыдаҹағыг!
Сон ҝүнләрдә чох ағрылы хәбәр ешитдик. Әзиз шәһид Шејх Нимр едам едилди. Она гаршы бу ҹинајәт һәјата кечирилди. Сөзсүз ки, әзиз шәһид Шејх Нимр Аллаһ гаршысында өз вәзифәсини јеринә јетирди вә о, өз вәзифәсини јеринә јетирәркән бу јолда шәһид олана гәдәр вә ән али мәгама гәдәр уҹалмаға һазыр олду. О, өз мәнәви борҹуну ахырадәк јеринә јетирди.

Нә баш верди?
Бу ҹинајәти төрәдән Сәудијјә режими маһијјәтҹә мүсәлман дүнјасы үчүн, Ислам үммәти чох бөјүк бир проблемләр ортаја чыхартды. Нијә инди етди? Сәудијјә режими чох ҝөзәл билирди ки, бу дөнәм – мүсәлман дүнјасы, Ислам үммәти үчүн нә гәдәр һәссас бир дөнәмдир вә индики дөврдә буну етмәк нә гәдәр ағрылыдыр, һансы пис нәтиҹәләрә ҝәтириб чыхардаҹаг. Амма, Сәудијјә режими бунлары етди. Демәли, Сәудијјә режими һал-һазырда Ислам үммәтинин дахилиндә бөһранын ескаласијасына хүсуси мараг ҝөстәрир вә инди, бу заманда буну етмә дә һансыса арха планларын ортада олмасыны чох ҹидди олараг тәзаһүр етдирир. Тәбии ки, Сәудијјә режиминин һавадарларынын, о ҹүмләдән тарихи һавадарларынын, хүсусән дә индики дөнәмдә сионизмин бу мәсәләдә онлар үчүн ән ҹидди мәсләһәтчиси вә мүшавири ролунда олмасы бәлли олур. Сәудијјә режими, бу ҝүн бу режими идарә едәнләр там фәргиндә дејилләр ки, бу, онларын өзләри үчүн нә гәдәр зәрәрлидир, һансы пис нәтиҹәләрә ҝәтириб чыхардаҹаг вә дүшүнмүрләр ки, бу ҝүн Ислам дүнјасынын белә бир ағыр вәзијјәтиндә бу гәдәр чох мәсулијјәтсиз аддымлар атмаг һансы пис нәтиҹәләрә ҝәтириб чыхарда биләр.
Амма, бу, баш верди...

Ҝүнүмүздә нәләр етмәли?
İлк олараг биз фәргиндә олмалыјыг ки, Сәудијјә режиминин һәр һансы мүсәлман фиргәсинә, мүсәлман тәригәтинә, Ислами мәктәбә аидијјәти јохдур. Бу режим - тарихән бу ҹүр ҹинајәтләри етмиш бир әнәнәнин буҝүнкү давамчыларыдыр. Бунун әзиз сүнни гардашларымыза һеч бир аидијјәти јохдур. Әслиндә бүтүн дүнја мүсәлманлары – сәмими шиәләр дә, сәмими сүнниләр дә - һәр кәс баш верәнләрдән нараһатдыр. Шәһид Шејх Нимрин едам олунмамасы илә бағлы һәм бөјүк шиә алимләри, һәм бөјүк сүнни алимләри дәфәләрлә мүраҹиәтләр етмишди. Она ҝөрә дә, бу ҝүн бүтүн мүсәлманлар, Ислами кимликли бүтүн инсанлар вәзијјәтин ағырлығыны дәрк етмәли, дүшмәнин бу мәсәләдә истәдији һәдәфләринә чатмасына имкан вермәмәлидир. Бизим үчүн үммәтин бирлији, үммәтин вәһдәти, үммәтин бирликдә олмасы, бүтүн мүсәлманларын дахилән, руһән өзләрини бирҝә һисс етмәси һәмишәкиндән даһа да чох өнәмли вә әһәмијјәтлидир. Бу мәсәләләрдә чох ајыг-сајыг, тәдбирли, бәсирәтли олмалыјыг.

Сөзсүз ки, өнәмли мәсәләләрдән бири дә будур ки, сонра нә олаҹаг?
Бу ҝүн һәр кәс өз мәнәви мәсулијјәтләрини анламалы вә она ујғун аддымларыны атмалыдыр. Һәр һансы мәнфи мөвзулардан, хүсусән дә Ислам үммәти үчүн дахили гызышдырыҹы мөвгеләрдән чәкинмәк лазымдыр. Ејни заманда да бу режим етдији бу ҹинајәтин һәр мәнада ҹавабдеһлијини дашымалыдыр. Бир преседент јарадылыб вә белә һадисәләрин белә раһатлыгла һәјата кечирилмәси имканы верилмәмәлидир.

Дүнја ҹамиәси баш верән һадисәләрлә бағлы чох ҹидди реаксијалар вериб. Бирләшмиш Милләтләр Тәшкилаты, бир чох бејнәлхалг инсан һаглары гурумлары, үмумән бејнәлхалг иҹтимаи рәј баш верән һадисәни чох ҹидди олараг гынајыр.
Азәрбајҹана ҝәлинҹә, бәзән мөвзуну билмәјән, мөвзунун дәрининдән хәбәри олмајан инсанлар бунунла бағлы паралел олараг рәјләр билдирир. Бәзән чох анти-һуманист мөвгеләр дә билдирилир. Инсан өлүмү, ҹидди, нүфузлу бир Ислам алиминин гәтлә јетирилмәси унудулур, һансыса гәрибә-гәрибә мөвзулар габардылыр. Һисс олунур ки, исламофобик руһијјәнин дә тәсири вар. Она ҝөрә дә, сәбирлә, һөвсәлә илә, анлајыш ҝөстәрәрәк маарифчилик апарылмалыдыр. Маарифчилик апармаг, ајдынлатмаг, изаһ етмәк, чатдырмаг – бизим һәр биримизин бөјүк бир мәсулијјәтидир.

Мүһүм бир мәсәләјә дә диггәт јетирмәлијик. Бу, һансыса бир өлкәләр арасында олан мәсәлә дејил. Бүтүн Ислам елми академијалары бу мөвзуда нараһатдыр. Һәр заман кифајәт гәдәр тәмкинли мөвге тутан мәрҹәијјәт дә бу мәсәләдә мөвге сәрҝиләјир. Бу ҝүн тәк Мәсумеји-Гумун бөјүк мәраҹеләри дејил, һәмишә бу кими мәсәләләрдә кифајәт гәдәр тәмкин ҝөстәрән Нәҹәф һөвзәсинин бөјүк мәраҹеләри, мүҹтәһидләри дә бу мөвзуја мүнасибәт билдирир. Мәсәлә бу гәдәр өнәмли, ағрылыдыр. Үмид едирәм ки, Ислам дүнјасынын һәр бир јериндән, һәр бир тәрәфиндән бу мөвзу илә бағлы нараһатлыглар ифадә олунар вә бу, артаҹаг, Ислам үммәти бу мәсәләдә мәсулијјәтини даһа да чох дәрк едәҹәк. Бу һадисә бирмәналы олараг Ислам үммәтинин зәрәринәдир. Тәбии ки, бу ҹинајәти едәнләр дә мәсулијјәт дашымалыдырлар вә биз унутмалы дејилик ки, бу ҝүн бу мәсәләләрдән уданлар – Фәләстини, Гарабағы ишғал едәнләрдир. Ислам үммәтинин бу ҝүн башыны бу кими мәсәләләрә гарышдырараг әсас һәдәфләрдән, әсас дүшмәнләрдән јајындырмаг мәгсәди ҝүдүлүр.

Мәсулијјәтимиз чохдур. Бәсирәтлилик, тәдбирлилик, мүсәлманларын мүсәлманлара севҝиси, шиә вә сүнниләр арасында мәһәббәт, гардашлыг руһијјәсинин инкишафы – бунлар ҝүнүмүзүн әсас вәзифәләриндәндир. Аллаһдан истәјирик ки, Өз хүсуси тофигатларыны нәсиб етсин!”.