Шрифт өлчүсү:
А+
А
А-
21 Март 2017

Азәрбајҹанда минимум әмәк һаггы 63 авродур

Игтисад елмләри доктору Губад Ибадоғлу дүнјада вә Азәрбајҹанда минимум әмәк һаггыны мүгајисәли тәһлил едиб. Онун фаҹебоок сәһифәсиндә дәрҹ етдији мәгаләсини тәгдим едирик.

Азәрбајҹан әһалисинин сосиал вәзијјәтинин писләшмәсинин сәбәбләриндән бири дә өлкәдә хүсусилә дә орта ајлыг, еләҹә дә минимум әмәк һаггы вә пенсија, өдәнишләринин ашағы олмасы илә әлагәдардыр. Елә бу сәбәбдән дә илдән-илә әксәр аиләләрдә бајрам әһвал руһијјәси дә мүшаһидә олунмур. Бу тенденсијаны ашағыда тәгдим олунан өлкәләрарасы мүгајисәләр дә тәсдиг едир.

Минимум әмәк һаггы һәр бир өлкәдә ихтисассыз әмәјә вә хидмәтә ҝөрә ајлыг әмәк һаггынын ән ашағы сәвијјәсини мүәјјән едән сосиал нормативдир. Бу норматив һәмчинин ишләјәнләри ашағы әмәк һаггы өдәнишиндән горумаг үчүн тәтбиг едилир. Бу норматив адәтән ишләјәнин физиоложи тәләбатларынын минимум сәвијјәсини гаршылајаҹаг гәдәриндә мүәјјәнләшдирилир. Сон мәлуматлара ҝөрә, Авропада ән јүксәк минимум әмәк һаггы Лүксембургда (2000 авро), Ирландијада (1563 авро), Һолландијада (1552 авро), Белчикада (1532 авро), Алманијададыр (1498 авро).
Бу мәканда јерләшән вәһазырда Авропа Бирлијинин үзвү олан кечмиш сосиалист өлкәләринин бир чохунда исә минимум әмәк һаггы 500 авродан ашағыдыр. Мәсәлән, Болгарыстанда 235 авро, Румынијада 275 авро, Латвија вә Литвада 380 авро, Чехијада 407 авро, Маҹарыстанда 412 авро, Хорватијада 433 авро, Словакијада 435 авро, Полшада 453 авро, Естонијада 470 авродур.

Авропа Бирлијинә дахил олан үч өлкәдә минимум әмәк һаггы орта ајлыг әмәк һаггынын 60 фаизиндән јухарыдыр. Белә ки, Португалијада бу нисбәт 64 фаиз, Франса вә Словенијада исә 62 фаиздир.

Авропа Бирлијинә дахил олан өлкәләрдән Австријада, Данимаркада, Италијада, Финландијада, Исвечдә вә Кипрдә дөвләт әмәк һаггынын минимум сәвијјәсини мүәјјәнләшдирмир.

Үмумијјәтлә исә дүнјада минимум әмәк һаггы 1 саата ҝөрә мүәјјәнләшдирилир вә мүгајисә олунур. Бу ҝөстәриҹи үзрә ардыҹыллыг беләдир: 1 саатлыг минимум әмәк һаггы нормасы Австралијада 15,61 доллар, Лүксембургда 14,31 доллар, Франсада 12,52 доллар, Белчикада 11,91 доллар, Ирландијада 11,48, Јени Зеландијада 11,23 доллар, Һолландијада 11,22 доллар, АБШ-да 10,10 доллар, Канадада 9.85 доллардыр. Мүвафиг ҝөстәриҹи Түркијәдә 5.46 доллар, Әлҹәзаирдә 2,84 доллар, Һондурасда 1, 94 доллар, Чадда 1,68 доллар, Русијада 1,06 доллар, Азәрбајҹанда исә 0,56 доллардыр.

Һазырда нефтлә зәнҝин олан кечмиш совет республикаларында минимум әмәк һаггы нормасы Азәрбајҹан үзрә 63 авро, Газахыстан үзрә 71 авро, Русија үзрә исә 121 авро тәшкил едир.

Ҝөрүндүјү кими Азәрбајҹанда минимум әмәк һаггы нормасы Лүксембургдан 30 дәфә, Ирландијада, Һолландијада, Белчикада вә Алманијадан исә 25 дәфәјәдәк кичикдир.


432 дәфә бахылыб
Лоадинҝ ...
Nur-Az Xeber
Go to TOP