Шрифт өлчүсү:
А+
А
А-
28 Јанвар 2014

Ики террорчу тәшкилат Азәрбајҹаны һәдәләди

«Мешә Гардашлары» вә «Ҹејшуллаһ» һакимијјәтә гаршы һәрби әмәлијјатлара старт вердикләрини бәјан едибләр. Дүнән сосиал шәбәкәләрдә Азәрбајҹанда бир заманлар чох ҹидди террор тәһлүкәси јаратмыш ики радикал дини тәшкилатын нүмајәндәләри ајры-ајрылыгда бәјанат јајыблар. "Жам.аз"ын хәбәринә ҝөрә, «Мешә Гардашлары» тәшкилатын адындан мәлумат јајан шәхс гејд едиб ки, тезликлә бу аддым атылаҹаг. «Мешә Гардашлары» адындан јајылмыш һәмин бәјанатда дејилир ки, онлар бир тәшкилат олараг артыг Азәрбајҹан игтидарына гаршы һәрби әмәлијјатлара старт вериб. Диҝәр мәлумат исә «Ҹејшуллаһ» («Аллаһын Ордусу») адлы тәшкилатын адындан јајымланыб. Мәлуматы јајан шәхсләр билдирибләр ки, сөзүҝедән тәшкилат тезликлә Азәрбајҹанда ҹиһад елан едәҹәк. Гејд едәк ки, һәр ики тәшкилат террорчу фәалијјәтлә мәшғул олмагла јанашы, һәм дә радикал дини ҹәрәјанын нүмајәндәләриндән тәшкил олунуб. Әсасән вәһабиләрин нәзарәтиндә олан бу силаһлы груплашмаларын үзвләри исә дүнјанын бир чох мүнагишә оҹагларында дөјүшүбләр. Һазырда онлардан Суријада да дөјүшәнләрин олдуғуна даир мәлуматлар вар.


4564 дәфә бахылыб
Лоадинҝ ...
Nur-Az Xeber
Go to TOP