Шрифт өлчүсү:
А+
А
А-
22 Ијун 2020

Мисир вә Түркијә арасында нә баш верир?-Сиси Әрдоғана ҹидди хәбәрдарлыг етди

Мисир президенти һәрби базаја бахыш кечирәркән Ливијаја ҝирмәк үчүн ордуја “һазыр ол” әмри вериб.

Мәшриг – Ливијада Хәлифә Һафтирин рәһбәрлији илә Милли Орду гүввәләри вә Фаиз Сираҹын рәһбәрлији илә Разылашма Һөкумәти гүввәләри арасында тоггушмаларын дајандығы, ики тәрәф арасында дөјүшләрин баша чатмасы истигамәтиндә гејри-рәсми мүзакирәләрин башладығы бир вахтда, Түркијә һава гүввәләринин Ливијанын Мәтәгијјә вә Ватијјә һава базаларына дахил олмасы барәдә јајылан хәбәрләр Мисир һөкумәтини гәзәбләндирди.
Бундан әввәл чохлу сајда һүҹум дронларыны ҝөндәрмәклә Ливија Разылашма Һөкумәти гүввәләринин ҝениш шәкилдә ирәлиләмәсиндә рол ојнамыш Түркијә, дејиләнләрә ҝөрә, Ф-16 гырыҹыларыны бу өлкәјә ҝөндәрмәк үчүн инфраструктурлар јаратмаг истәјир вә Әрдоған бу мәсәләни ики мәгсәдлә һәјата кечирир: Ливијанын шәргиндә нефт ајпарасына вә өлкәнин мәркәзиндә Ҹуфра һава базасына саһиб чыхмаг.

Әбдүл-Фәттаһ Сиси “Сиди-Баррани” базасында
Дүнән Мисир президенти ҝенерал Һафтар гүввәләринә дәстәк верән Мисир вә БӘӘ гүввәләринин мүштәрәк әмәлијјат базасы сајылан Сиди-Баррани һәрби һава базасына бахыш кечириб вә һәрбчиләрлә ҝөрүшүб. О, бу базада мүһүм чыхыш едиб.



Сиси чыхышында Мисир һәрбчиләринә мүраҹиәт едәрәк елан едиб ки, бу өлкә һәрбчиләри Мисир дахилиндә вә хариҹиндә әмәлијјат һәјата кечирмәк үчүн тамамилә һәрби “һазыр ол” вәзијјәтиндә олмалыдыр. Президент чыхышынын давамында Серт шәһәриндә рәгиб гүввәләрин ирәлиләмәси вә Ҹуфра барәдә гырмызы хәтти ачыглајыб. Бу ачыгламалар ҝөстәрир ки, Мисир ордусу өтән илләрдә бирбаша дөјүш мејданына дахил олмаг истәмәмәсинә бахмајараг, Түркијә вә Разылашма Һөкумәти гүввәләринин Ливијанын шәргинә доғру ирәлиләмәси давам етдији сурәтдә, Гаһирәнин һәрби реаксијасы илә гаршылашаҹаг.

Сиди-Баррани һава базасынын әһәмијјәт вә габилијјәти
Бу һава базасы Мисирин гәрб сонлуғунда вә Ливија илә сәрһәддә јерләшир. База Мисир ордусуна имкан јарадыр ки, лоҝистик мәһдудијјәт олмадан вә узаг мәсафә гәт етмәдән Ливија әразисинә дахил олсун вә сүрәтлә Түркијә дәстәкли гүввәләрин јерләшдији ҹәбһәјә јахынлашсын.
Гејд едәк ки, БӘӘ-јә аид “Мираж 2000” гырыҹылары да сон 1 илдә Сиди-Баррани һава базасы васитәсилә һава јанаҹағы дәстәјинә еһтијаҹ олмадан учушлар һәјата кечирмишдир.



Сиси дүнән бу базаја бахыш кечирәркән базада ҝениш вә диггәти чәкән сајда һава аваданлығы вә зиреһ тәҹһизаты ҝөрүнтүләнди. Бу ҝөрүнтү Мисир ордусунун Ливијанын шәргиндә ҝенерал Һафтар һөкумәтинин мөвҹудлуғуна тәһлүкә һисс етдији вахт дөјүш мејданына дахил олмаг үчүн ҹидди әзмини ҝөстәрир.



Дүнәнки ҝөрүнтүләрдә јүзләрлә М1А1 Абрамс дөјүш мејданына аид әсас танк вә М113 зиреһли транспортјор ҝөрүнтүләнди. Белә бир сәфәрбәрлијин тәк сәбәби Мисир ордусунун Ливија торпағына бирбаша ҝирмәси ола биләр.
Һабелә, базада чохлу сајда орта мәнзилли Бук-М2 вә гыса мәнзилли Тор-М2 зенит-ракет комплексләри јерләшмишдир ки, онларын Түркијә гырыҹылары вә Бајрактар ТБ-2 силаһлы дронлары илә мүбаризә етмәси үчүн јерләшдији ҝүман едилир.



Һәмчинин, Мисир ордусунун һеч бир мәһдудијјәт олмадан һава ҝүҹүндән истифадә етмәси үчүн имканлары вардыр вә бу өлкәнин һава гүввәләри Рафаел, МИГ-29 вә Ф-16 кими гырыҹылара саһибдир. Бу сәбәбдән демәк олар ки, кәмијјәт вә технолоҝија бахымындан Түркијә үзәриндә үстүнлүјә маликдир.

Ҹуфра базасында Русијанын фәалијјәти
Түркијә вә Ливија Разылашма Һөкумәтинин ики әсас һәдәфиндән биринин Ҹуфра стратежи һава базасыны әлә кечирмәк олдуғуну нәзәрә алсаг, Русијанын Хәлифә Һафтара сијаси вә һәрби дәстәји дә тәјинедиҹи олаҹаг. Һал-һазырда Түркијә дәстәкли гүввәләр Ҹуфра базасынын тәгрибән 150 км-дәдир вә бу база Русијанын Суријадан ҝөндәрдији МИГ-29 вә Сухој-24 тәјјарәләринин јерләшдији јердир.



Бу јахынларда Русија тәјјарәләринин Ҹуфра базасында јерләшмәси вә фәалијјәти барәдә јени пејк ҝөрүнтүләр јајылмышдыр.



Русија вә Мисир ордулары Түркијә вә Разылашма Һөкумәти гүввәләринин Ливијанын шәргинә доғру ирәлиләмәсинин гаршысыны алмаг истәсәләр, бу өлкәнин дөјүш мејданы там мигјаслы вә мисли ҝөрүнмәјән мүһарибәнин шаһиди олаҹаг.


783 дәфә бахылыб
Лоадинҝ ...
Nur-Az Xeber
01.02.21, 10:00
Портағал
Go to TOP