Шрифт өлчүсү:
А+
А
А-
25 Ијун 2020

Әрәб Парламенти Иран вә Түркијә әлејһинә “ваһид әрәб стратеҝијасы”ны тәсдиг едиб

“Әл-Мәјадин” телеканалынын вердији хәбәрә ҝөрә, Әрәб Парламенти видео-конфранс формасында кечирдији сон иҹласында Иран вә Түркијә әлејһинә “ваһид әрәб стратеҝијасы” сијасәтинә мүсбәт рәј вериб.

Бу хәбәрә әсасән, Әрәб Парламентинин гәбул етдији бәјанатда Иранла бағлы иддиа олунур: “Сөзүҝедән ваһид стратеҝија Иранын әрәб өлкәләринин дахили ишләринә мүдахиләсинин гаршысыны алмаг үчүн гәбул едилмишдир.”
Əрәб Парламенти Иранын мәнтәгәдә ҝәрҝинлик јаратдығыны иддиа едиб.
Һалбуки, бу парламент өз үзвләри олан өлкәләрин, о ҹүмләдән Әрәбистан вә БӘӘ-нин мәнтәгәни аловландырдығыны ҝөрмәмәзлијә вуруб.

Парламент Иран гаршысында Әрәбистаны да мүдафиә едәрәк билдириб ки, Теһран Әрәбистанын милли тәһлүкәсизлији үчүн проблем јаратмамалыдыр.

Әрәб Парламенти Түркијә гаршысында ваһид әрәб стратеҝијасыны белә ачыглајыб: “Түркијә јахшы гоншулуг принсипинә садиг галмалыдыр вә әрәб өлкәләринин дахили ишләриндә мүдахиләјә сон гојмалыдыр.
Түркијәнин әрәб өлкәләринин сәрвәтинә тамаһ салмасы писләнилир. Түркијәнин Сурија, Ливија вә диҝәр әрәб өлкәләриндәки мүдахиләләри гәбуледилмәздир. Ирагда да Түркијә мүдахиләсинә сон гојмалыдыр. Биз БМТ-дән истәјәҹәјик ки, Түркијә гүввәләринин Сурија, Ливија вә Ирагдан чыхарылмасы үчүн зәминә јаратсын.”


620 дәфә бахылыб
Лоадинҝ ...
Nur-Az Xeber
01.02.21, 10:00
Портағал
Go to TOP