Шрифт өлчүсү:
А+
А
А-
29 Ијун 2020

Трамп Путиндән буна ҝөрә горхур - Пелоси

АБШ Президенти Доналд Трампын Русијанын ганунсузлугларына ҝөз јуммасы ону демәјә әсас верир ки, гаршы тәрәфдә американ лидери барәдә компроматлар вар.

Бу сөзләри АБШ Конгресинин Нүмајәндәләр Палатасынын спикери Ненси Пелоси дејиб.

“Мән Русијада Трампла бағлы сијаси, шәхси вә диҝәр планда нәләрин олдуғуну билмирәм. Лакин о, (Трамп) Русијанын аддымларыны ҝөзарды етмәк истәјир”, - Пелоси билдириб.

Спикер Трампын Русијанын Талибанла әлагәси барәдә журналистләрин суалларына ҹаваб вермәмәсини “ејбәҹәрлик” адландырыб.

Пелоси, һәмчинин Трампын Русијаја вә Русија лидеринә "һәдијјә" олдуғуну да әлавә едиб.

Гејд едәк ки, “Нју Јорк Тајмс” Русијанын Әфганыстанда антитеррор коалисијасы, о ҹүмләдән АБШ һәрбчиләринин мәһвинә ҝөрә мүкафат тәклиф етдијини иддиа етмишди.

Иддиалары ҹавабландыран Трамп бу мәлуматын сахта олдуғуну билдирмишди.


596 дәфә бахылыб
Лоадинҝ ...
Nur-Az Xeber
Go to TOP