Шрифт өлчүсү:
А+
А
А-
07 Сентјабр 2020

“Ермәнистанын сионист режимлә мүнасибәтләринин ҝенишләндирмәсинин тәһлүкәләри” мөвзусунда семинар кечирилиб

Ермәнистанын јүксәк сәвијјәли рәсмиләринин ишғал едилмиш әразиләрә сәфәр етмәси 1994-ҹү илдән индијәдәк онларын бу режимлә узунмүддәтли сијаси вә игтисади мүнасибәтләр гурмасы үчүн бахышларыны ҝөстәрир вә бу илләрдә ики тәрәф арасында мүхтәлиф саһәләрдә бир сыра мүгавиләләр имзаланыб.

Гафгаз Һәгигәтләри “Тәсним”-ә истинадла хәбәр верир ки, Ермәнистан дөвләтинин ишғал едилмиш Фәләстин әразисиндә сәфирлик ачмаг мәгсәдилә аддымы вә Тәл-Әвивә сәфир ҝөндәрмәси Ермәнистан вә сионист режими арасында сон илләрдә мүнасибәтләрин диггәти чәкән сәвијјәдә ҝенишләндијини, онларын мүнасибәтләринин јени мәрһәләјә дахил олдуғуну ҝөстәрир. Сөзсүз, бу мәсәлә Иран Ислам Республикасынын реҝионал мараглары илә тәзад дашыјыр вә Ермәнистанын гоншулуг принсипләринә зидд һәрәкәтләринә лазым олан етиразлар едилмишдир.

Бу истигамәтдә Теһранда бир сыра тәдгигатчыларын иштиракы, профессор Бәһрам Әмирәһмәдјан вә Гафгаз мәсәләләри үзрә експерт Бүрһан Һишмәтинин натиглији илә “Ермәнистанын сионист режимлә мүнасибәтләринин ҝенишдирмәсинин тәһлүкәләри” мөвзусунда семинар кечирилмишдир.

Семинарда Бәһрам Әмирәһмәдјан Ермәнистанын сионист режими илә мүнасибәтләри ҝенишләндирмәкдә бир сыра мәгсәдләринә тохунараг дејиб: “Әҝәр елә бу ҝүн Иран өз сәрһәдләрини Ермәнистанла бағласа, бу өлкә бир чох ҹидди проблемләрлә үзләшәҹәк.”

Профессор Ермәнистаны бејнәлхалг аренада тәсирсиз вә ејни һалда бөјүк иддиада олан өлкә адландырараг дејиб: “Бу өлкә Бөјүк Ермәнистан ады алтында гондарма хәритә чап вә нәшр етмәклә 1-ҹи әсрдә ермәни императорлуғу! тәриф етмәк ардынҹадыр. Ермәниләр дәниздән дәнизә (Аралыг дәнизиндән Хәзәр дәнизинәдәк) һөкумәт иддиа едәрәк әсассыз ишғалчылыг нијјәтиндәдирләр, һәтта бу мәсәләни өз дәрслик китабларында вә рәсми хәритәләриндә дә јерләшдирибләр. Бу хәритәдә Иранын да бир һиссәси Бөјүк Ермәнистанын бир һиссәси кими ҝөстәрилмишдир. Һәтта Иранда чап етдикләри китабда да һәмин иддиа етдикләри хәритә әкс олунуб. Бунун сәбәби диггәтсизлик үзүндән дә ола биләр.”

Әмирәһмәдјан әлавә едиб: “Ермәни рәсмиләри сон вахтлар Ипәк Јолу барәдә дә өзүнүн тәсирли ролу иддиалары илә чыхыш етдиләр вә бу мәсәлә реҝионун ҝәләҹәји үчүн онларын тәһлүкәли нијјәтләриндән хәбәр верир. Сионист режими илә мүнасибәтләри дә һәмин истигамәтдә дәјәрләндирмәк олар. Тәбии ки, Ермәнистан һәр һансы сәһвә јол верәрсә, Иранын гәтијјәтли ҹавабы илә үзләшәҹәк. Үстәлик, сионист режиминин өзү дә Иран Ислам Республикасы сәвијјәсиндә дејил.”
Профессор Ермәнистанын јүксәк сәвијјәли рәсмиләринин 1994-ҹү илдән бәри ишғал едилмиш әразиләрә сәфәрләринә ишарә едиб, бунун Ирәванын сионист режимлә узунмүддәтли сијаси вә игтисади мүнасибәтләр гурмаг нијјәтиндә олдуғуну ҝөстәрдијини дејиб. О, билдириб ки, өтән бу илләрдә ики тәрәф арасында университет, ҝөмрүк, консуллуг вә диҝәр саһәләрдә разылашмалар әлдә олунуб. Һабелә, сон ҝүнләрдә Ермәнистан сәфири ишғал едилмиш әразиләрә јолланыб вә бу да мүнасибәтләрин ҝенишләнмәсини ҝөстәрир.

Ермәнистанын Гарабағы ишғал етмәсини бејнәлхалг гајда-ганунлара зидд олдуғуну вурғулајан профессор дејиб: “Ермәнистанын тәгрибән 3 милјон, Азәрбајҹанын исә 9 милјон ҹәмијјәти вардыр. Бу өлкә һәрби бахымдан һеч вәҹһлә Азәрбајҹан Республикасы илә мүгајисә едилә билмәз. Әҝәр Русија мане олмаса, Азәрбајҹан дәрһал ишғал едилмиш әразиләри азад едә биләр.”

Әмирәһмәдјан чыхышынын давамында Гарабағ мүнагишәсинин һәллиндә Минск групунун ролунун тәсирсизлијинә ишарә едәрәк азәриләри бу мәсәләдә дүшүнмәјә чағырыб.



Сионист режими Иранын сәрһәдләринә нүфуз етмәјә чалышыр

Гафгаз мәсәләләри үзрә тәдгигатчы Бүрһан Һишмәти семинарын диҝәр натигләриндән олараг чыхышында сионист режиминин Ермәнистанла өз мүнасибәтләрини ҝенишләндирмәкдә һәдәф вә марагларына тохунараг, онун бу тәлашыны Иранын сәрһәдләриндә өз нүфузуну артырмаг, Ермәнистанын көмәјиндән фајдаланараг Ҹәнуби Гафгазда Американын Иран әлејһинә игтисади вә сијаси тәзјиг сијасәтинин иҹрасына көмәк етмәк адландырыб.

Експерт әлавә едиб: “Өтән бир нечә ајда Ермәнистан сионист режими илә мүнасибәтләри нормаллашдырмаг истәдијини елан едиб вә бу өлкәнин сәфири Тәл-Әвивдә јерләшиб, һәтта сионист режими КИВ-ләринә мүсаһибә вериб вә өз ачыгламасында Иран тәрәфинин бу мүнасибәтләрин ҝенишләнмәсинә тәсир ҝөстәрә билмәјәҹәјини дә дејиб. Әлбәттә, Иран рәсмиләри бу мәсәләјә сәрт етиразларыны билдирдиләр, һәтта иранлы тәләбәләр Ермәнистан сәфирлији өнүндә топлашараг милләтчи сионист режиминә гаршы шүарлар сәсләндирдиләр, бу аксијаны Ермәнистан вә Азәрбајҹан медиалары да әкс етдирди.”

Семинарын сонунда вурғуланыб: Ермәнистанын һакимијјәтдә олан гәрбјөнүмлү ҹинаһы бу нәтиҹәјә ҝәлмишдир ки, сионист режимлә мүнасибәтләри артырмаг онларын мәнафеләрини тәмин едә вә проблемләрини арадан галдыра биләр. Ҹәнуби Гафгазын диҝәр өлкәләри (Азәрбајҹан вә Ҝүрҹүстан) дә Ермәнистандан габаг һәмин фикирлә сионист режими илә мүнасибәтләри ҝенишләндирмәјә доғру ҝетмиш, өтән илләрдә сионист режиминә јахынлашмаға, һәтта она сөјкәнмәјә сәј етмишләр. Лакин сионистләрә мүнасибәтләри ҝенишләндирмәк вә онлара архаланмаг нә Ҝүрҹүстан, нә дә Азәрбајҹанын проблемләринин һәлл олмасына көмәк етмәмишдир. Нә Азәрбајҹан сионист режимдән бөјүк һәҹмдә силаһ алмагла Гарабағ мәсәләсини өз хејринә һәлл едә билди, нә дә Ҝүрҹүстан сионист режиминин дәстәјинә архаланмагла Осетија вә Абхазија мәсәләсиндә ән кичик наилијјәтә белә наил ола билди. Әксинә, сионист режим Азәрбајҹана силаһ сатмагла Гарабағ мүнагишәсинә мүдахилә етдијиндән Гарабағ бөһраны даһа да мүрәккәбләшди. Белә ки, һазырда Бакы үчүн Гарабағ бөһраныны һәлл етмәк вә ишғал едилмиш торпаглары азад етмәк үчүн нә һәрби јол, нә дә нәтиҹә верә биләҹәк бир сијаси јол галмамышдыр.

Мәлумдур ки, Ермәнистан һөкумәтинин сәһв вә гејри-пешәкар гәрары Ислам дүнјасынын вә Фәләстинин мәзлум халгынын мараглары илә әсаслы тәзад дашымасындан әлавә, Ермәнистанын узунмүддәтли милли мараглары илә дә ујғун ҝәлмир вә Ермәнистаны сионист режиминин ҹинајәтләринин шәрикинә чевирир.


189 дәфә бахылыб
Лоадинҝ ...
Nur-Az Xeber
Go to TOP