Шрифт өлчүсү:
А+
А
А-
03 Феврал 2021

Бу ҝүн Ханым Фатимеји-Зәһранын (с.ә) мүбарәк мөвлуд ҝүнүдүр

Һәзрәти Фатимеји-Зәһранын (с.ә) мүбарәк мөвлуду ҝүнү мүнасибәти илә бүтүн мүсәлманлары тәбрик едирик

Һәзрәти Мәһәммәд (с) бујурур: Еј Фатимә! Һәр кәс сәнә салават ҝөндәрсә Аллаһ ону бағышлајар вә ҹәннәтин һарасында олсам белә ону мәнимлә бәрабәр едәр.

Ханым Фатимә (с.ә) бесәтин 5-ҹи илиндә гәмәри тәгвими илә ҹәмадиус-сани ајынын 20-и дүнјаја ҝәлиб. Дүнја вә ахирәт ханымларынын сејјидәси, Һәзрәт Рәсулуллаһын (с) ҝөзүнүн ишығы ханым Фатимеји-Зәһранын (с.ә.) мүбарәк мөвлуд ҝүнү Ханымлар ҝүнү кими дә гејд едилир.

Фатимеји-Зәһранын(с.ә.) дүнјаја ҝәлдији ҝүн – Ислам аләминдә ән әзәмәтли ҝүнләрдән бири һесаб едилир. Бу ҝүнүн мүгәддәслијинә дәлил олараг Аллаһ Тәала Рәсули-Әкрәмә (с) мүждә верир, бу мүнасибәтлә Гурани-Кәримин «Көвсәр» сурәсини назил едир.

Һәзрәт Фатимәдән (ә) 10 һәдис

1. Һәзрәт Фатимә (ә) бујуруб: “Сизин ән јахшыныз инсанларла мүлајим вә меһрибан давранан, ән дәјәрлиниз исә ханымына гаршы меһрибан вә ҝүзәштли оланыныздыр.” (“Нәһҹ әл-һәјат”, сәһ. 168)
2. Һәзрәт Фатимә (ә) бујуруб: “Мәһәммәд вә Әли бу үммәтин аталарыдыр. Әҝәр үммәт бу ики нәфәрә итаәт етсә, онлары зәлаләт вә һәмишәлик әзабдан горујаҹаглар. Әҝәр онларла мүвафиг олсалар, әбәди немәтә говушдураҹаглар.” (“Мүстәдрәк әл-вәсаил”, ҹ. 12, сәһ. 262)
3. Һәзрәт Фатимә (ә) бујуруб: “Ананын хидмәтиндә дајан. Чүнки ҹәннәт ананын ајаглары алтындадыр.” (“Нәһҹ әл-һәјат”, сәһ. 322)
4. Һәзрәт Фатимә (ә) бујуруб: “Анд олсун Аллаһа ки, “ахирәт сәфәринә нә һазырламышам?” дүшүнмәклә, мәним гәм-гүссәм артмыш, јохсуллуғум ағырлашмыш вә тәәссүфүм узун-узады олмушдур.” (“Нәһҹ әл-һәјат”, сәһ. 80)
5. Һәзрәт Фатимә (ә) бујуруб: “Һәдид, Вагиә вә Рәһман сурәләрини охујан шәхс һәм ҝөјдә, һәм дә јердә ҹәннәт әһли кими таныныр.” (“Нәһҹ әл-һәјат”, сәһ. 280)
6. Һәзрәт Фатимә (ә) Имам Әлијә (ә) деди: “Еј Әбул-Һәсән! Мән өз Рәббимдән һәја едирәм ки, сәндән јеринә јетирмәјә ҝүҹүн чатмајаҹағы бир шеји истәјәм.” (“Биһар әл-әнвар”, ҹ. 38, сәһ. 103; “Нәһҹ әл-һәјат”, сәһ. 17)
7. Һәзрәт Фатимә (ә) атасына деди: “Еј Аллаһын Рәсулу! Гадынлар издиваҹ едәркән дирһәмләри (мал) өз меһријјәләри едирләр. Бәс, мәнимлә онларын арасында нә фәрг олар? Сәндән истәјирәм ки, мәним меһријјәми мал гәрар вермәјәсән вә Аллаһдан истәјәсән ки, мәним меһријјәм Сәнин үммәтинин ҝүнаһкарларына шәфаәт етмәк ихтијары олсун”. (“Фатимәнин (ә) кәламларынын енсиклопедијасы”, сәһ. 278)
8. Һәзрәт Фатимә (ә) бујуруб: “Аллаһын рәсулу (с) бујурду: Һәр кәс гызым Фатимәни севсә мәни севиб вә һәр кәс Фатимәни разы етсә мәни разы едибдир.” (“Нәһҹ әл-һәјат”, сәһ. 289)
9. Һәзрәт Фатимә (ә) деди: “Атаҹан, мәһшәр ҝүнүнү вә ҹамаатын о ҝүн чылпаг дајанаҹаглары ҝүнү хатырладым. Вај, о ҝүн Уҹа Аллаһ гаршысында пис әмәлләрдән.” (“Нәһҹ әл-һәјат”, сәһ. 282)
10. Һәзрәт Фатимә (ә) бујуруб: “Аллаһ силеји-рәһими (гоһумларла әлагә сахламағы) өмрүнүзүн узун олмасы вә сајынызын артмасы үчүн сәбәб гәрар вермишдир.” (“Еһтиҹаҹ”, ҹ. 1, сәһ. 97)


867 дәфә бахылыб
Лоадинҝ ...
Nur-Az Xeber
Go to TOP