Шрифт өлчүсү:
А+
А
А-
26 Мај 2021

Суријада президент сечкиләри кечирилир

Бу ҝүн Сурија Әрәб Республикасында президент сечкиләри кечириләҹәк. Сечкиләрдә һазыркы дөвләт башчысы Бәшшар Әсәд фаворитдир.

Бу барәдә өлкәнин дахили ишләр назири Мәһәммәд Раһмон Дәмәшгдә кечирдији мәтбуат конфрансында билдириб. Онун сөзләринә ҝөрә, сечкиләрдә 18 милјондан чох сечиҹи иштирак едәҹәк. Сәсвермә 12 102 сечки мәнтәгәсиндә кечириләҹәк. Сечки мәнтәгәләри јерли вахтла саат 07:00-да ачылаҹаг вә 19:00-а гәдәр ишләјәҹәк.

Раһмон гејд едиб ки, һакимијјәт коронавируса јолухма тәһлүкәсини нәзәрә алараг, габагҹадан зәрури санитар-профилактик тәдбирләр һәјата кечириб. "Вәтәндашларын раһатлығы үчүн һәр шеј едилиб, онлара јалныз сосиал мәсафәјә риајәт етмәк вә горујуҹу маскалардан истифадә етмәк галыр", - о вурғулајыб.

Сечкиләрдә дөвләт башчысы посту уғрунда үч намизәд мүбаризә апарыр: Бәшшар Әсәд, Сосиалист Партијасындан депутат Абдулла Саллјум Абдулла вә мүхалифәт нүмајәндәси Маһмуд Әһмәд Мураи.

Сурјада президентин сәлаһијјәт мүддәти једди илдир.


1047 дәфә бахылыб
Лоадинҝ ...
Nur-Az Xeber
23.07.21, 16:16
Гәдир Хум
Go to TOP