Шрифт өлчүсү:
А+
А
А-
05 Ијул 2021

Әнсаруллаһ гүввәләри Әл-Гаидәнин бир нечә командирини мәһв етди

Јәмән Әнсаруллаһ Һәрәкатына аид гүввәләр Бејда әјаләтиндә Әл-Гаидә террор тәшкилатынын бир нечә командирини мәһв едиб.

Әл-Бејда әјаләтиндәки јерли мәнбәләрин базар ҝүнү Јәмән Мәтбуат Хидмәтинә вердији хәбәрдә дејилир: “Сәна гүввәләри өтән ҝүн (шәнбә) ҝеҹә саатларында Әл-Гаидәнин Сомә ҹәбһәсиндә јерләшән базаларыны атәшә тутублар. Нәтиҹәдә Зинам шәһәринин Тајаб кәндиндә бир јерә топлашмыш Әл-Гаидә террорчуларындан бир нечәси өлүб вә јараланыб. Онларын арасында командирләр дә вардыр.”

Бу мәнбәләр билдирибләр ки, Әл-Гаидә террорчулары вә тәҹавүзкар коалисија гүввәләри Әнсаруллаһын Сомә базасына һүҹумунда ағыр тәлафат вериб, онлардан ән өнәмлиси Әл-Гаидәнин Бејда әјаләтиндәки командири Әбузәр Тәјјибидир.

Мәнбәләр әлавә едиб ки, Әл-Гаидә командирләри Јәмән ордусу вә халг комитәләринә һүҹуму координасија етмәк үчүн Тајаб кәндинә топлашыблар вә Әнсаруллаһа бағлы халг комитәләри онларын топлашдығы јери артиллерија атәшинә тутуб. Террор тәшкилатынын мәһв едилмиш командирләри арасында Әл-Гаидәнин Моаддијә әмирлији үзрә һәрби голунун командири Мәһәммәд Һүсејн Ҹүнејди вә диҝәр командирләр Тофиг Фәрви, Әбдүлһәким Мүбарәк Гејси, Осман Әһмәд Абдуллаһ Мушәдли дә вардыр.

Әрәбистан коалисијасы Јәмән халгына гаршы һүҹумда Әл-Гаидә террорчуларындан ҝениш истифадә едир. Өтән ил Јәмән ордусу вә халг комитәләри гүввәләри Бејда әјаләтиндә Әл-Гаидәјә гаршы кечирдији әмәлијјатда чохлу сајда террорчуну мәһв етди вә онларын әлә кечирдији әразиләрә нәзарәти бәрпа етди. Јәмән Милли Ниҹат Һөкумәтинин дахили ишләр назири Әбдүлкәрим Һуси өтән ил ијул ајында “Әл-Мәсирә” телеканалына вердији ачыгламасында билдирди ки, әлдә едилән мәлуматлара әсасән, Әрәбистан коалисијасы јәмәнли гүввәләр әлејһинә ИШИД вә Әл-Гаидә террорчуларындан истифадә едир.


1301 дәфә бахылыб
Лоадинҝ ...
Nur-Az Xeber
Go to TOP