Шрифт өлчүсү:
А+
А
А-
15 Сентјабр 2021

Јәмән ордусу Бејдада әрәб коалисијасынын сон галасыны фәтһ етди

Јәмән ордусу Бејдада әрәб коалисијасынын сон галасыны фәтһ етди
Јәмән мәнбәсинин билдирдијинә ҝөрә, Јәмән ордусу вә халг комитәләри јени әразиләри ишғалдан азад едиб.
“Әл-Мәјадин” һәмин мәнбәјә истинадла јазыб: “Јәмән ордусу вә халг комитәләри Сомиәнин мәркәзини: истефа верәрәк өлкәдән гачмыш Мәнсур Һадијә садиг гүввәләрин вә Әл-Гаидә террорчуларынын Бејда әјаләтиндәки сон галасыны фәтһ едибләр.”
Бу хәбәрин јајылмасындан сонра “Әл-Ҹәзирә”-јә ачыглама верән бир сыра диҝәр мәнбәләр дә мәлуматы тәсдиг едибләр, Јәмән ордусу вә халг комитәләринин Бејда әјаләтиндә ҝениш әразиләрә нәзарәт етдијини билдирибләр.
Бир нечә ҝүн бундан әввәл дә Јәмән Силаһлы Гүввәләринин мәтбуат катиби Јәһја Сәрии Бејда әјаләтиндә Нөман вә Натии бөлҝәләринин әрәб коалисијасынын ишғалындан азад едилдијини хәбәр вермишди.
Əн-Нәсрул-мубин паролу илә һәјата кечән бу әмәлијјатын биринҹи мәрһәләсиндә Әрәбистан коалисијасына аид гүввәләрдән 350 нәфәри өлүб вә 560 нәфәри јараланыб.
Јәмән ордусу вә халг комитәләри Мәариб ҹәбһәсиндә дә ирәлиләјиб. Белә ки, М. Һадијә аид мәнбәләрин билдирдијинә ҝөрә, Милли Гуртулуш Һөкумәти (Сәна) Шәбва әјаләтинин Бејҹан шәһәринин мәркәзинә јахынлашыр.
“Әл-Әбвабәтул-әхбаријјәтул-Јәмәнијјә” хәбәр аҝентлијинин вердији мәлумата ҝөрә, Јәмән ордусу вә Әнсаруллаһ гүввәләри бир әмәлијјатла Мәариб әјаләтинин сәрһәдләриндән кечәрәк Шәбва әјаләтинә дахил олублар вә 4 стратежи мәнтәгәни әлә кечирәрәк нефт бөлҝләринә јахынлашыблар.
Јәмән ордусу вә Әнсаруллаһ гүввәләри өтән һәфтәләрдә Вәсил, Бәдии, Рәкб вә Вадин-нәһр бөлҝәләриндә нәзарәти әлә кечирәрәк Бејҹанда јерләшән нефт гујуларынын бир нечә километрлијинә чатыблар.


2538 дәфә бахылыб
Лоадинҝ ...
Nur-Az Xeber
26.11.21, 00:40
Ҝеҹә рәвајәти
Go to TOP