Шрифт өлчүсү:
А+
А
А-
08 Нојабр 2021

Сионист командир: Исраил мәһв олур

Сионист режим ордусунун еһтијат гүввәләринин јүксәк сәвијјәли командирләриндән олан Исһаг Брик дејиб: “Исраил ордусу бир нечә ҹәбһәдә мүһарибәјә һазыр дејил вә мүмкүн мүһарибә сионист режимини онилликләр әввәлә апараҹаг.”

Исһаг Брик сионист режиминин мәһв олмаг әрәфәсиндә олдуғуну вурғулајараг дејиб: “Бу гәзәбдән доған бир прогноз дејил, инкаредилмәз һәгигәтдир.”

И. Брик әлавә едиб: “Ҝәләҹәјин мүһарибәси дахили ҹәбһәдәки мүһарибәдир. Бу, дәјмиш зијанын мигдары бахымындан әввәлләр јашамадығымыз бир мөвзудур. Бу мүһарибә бизи онилликләр әввәлә апарыр. Әввәлки мүһарибәләрдә кечдијимиз чәтин вәзијјәт бир нечә ҹәбһәдәки мүһарибә илә мүгајисәдә һеч нә дејил. Һансы ки, бу мүһарибәдә һәр ҝүн минләрлә ракет вә ПУА Исраилин дахили ҹәбһәсинә истигамәтләнәҹәк.”
О, сионист режими әлејһинә гаршыдан ҝәлән мүһарибәдә фаҹиәнин баш верәҹәјини вә онун инфраструктурунун мәһв едиләҹәјини билдириб.

Брик гејд едиб ки, сионист ордусунун дағылмыш үнсүрләри үзәриндә галиб бир орду гурмаг мүмкүн дејил вә бу мәсәләнин һәлли тәһлүкәсизлик вә сијаси сәвијјәләри баша дүшмәји тәләб едир.
Дүнән (шәнбә) сионист ордусунун дахили ҹәбһә командири Аури Гордин дә 12-ҹи канала вердији мүсаһибәсиндә дејиб ки, Ливан Һизбуллаһы илә мүнагишә јаранарса, бу режим бөјүк проблемлә үзләшәҹәк вә ишғал олунмуш әразиләрин дәринликләринә һәр ҝүн 2500 ракет атылаҹаг.


1248 дәфә бахылыб
Лоадинҝ ...
Nur-Az Xeber
Go to TOP