Шрифт өлчүсү:
А+
А
А-
28 Јанвар 2022

Иранлы тәләбәләр Јәмән халгы үчүн ајаға галхды - Фото

БМТ-нин офиси гаршысында етираз аксијасы

Теһран университетләринин тәләбәләри бу ҝүн (27 јанвар) бејнәлхалг тәшкилатларын Јәмән халгына гаршы һәрби ҹинајәтләр гаршысында сүкутуна етираз етмәк үчүн БМТ-нин Теһрандакы офиси гаршысына топлашыблар.
Тәләбәләр “Америкаја өлүм”, “Али-Сәуда өлүм”, “Исраилә өлүм” кими шүарлар сәсләндирәрәк Сәудијјә Әрәбистаны вә Бирләшмиш Әрәб Әмирликләринин Јәмән халгына гаршы ҹинајәтләрини писләјибләр.

Әлләриндә бомбаланмыш јашајыш биналары вә мәктәбләрин дағынтылары алтында галмыш јәмәнли ушагларын вә динҹ инсанларын плакатларыны ҝөтүрмүш тәләбәләр бејнәлхалг иҹтимаијјәти вә тәшкилатлары Әрәбистан-БӘӘ коалисијасынын бу вәһшиликләри гаршысында сусмамаға чағырыблар.

Әрәбистан вә БӘӘ Јәмәндә халг ингилабындан сонра өлкәдән гачмыш диктатор Мәнсур Һадини һөкумәтә гајтармаг бәһанәсилә 7 илдир ки, бу өлкәјә тәҹавүзләрини давам етдирир, Јәмәнин бир чох әразиләрини ишғал едиб, халгын мүгавимәтини гырмаг үчүн иҹтимаи мәканлары, инфраструктурлары, базарлары, мәктәбләри, јашајыш биналарыны, гачгын дүшәрҝәләрини, тој вә јас мәрасимләрини, сәрнишин автобусларыны бомбалајыр.

Тәҹавүзкар коалисијанын тәкҹә сон бир һәфтәдә вәһши һүҹуму нәтиҹәсиндә јүзләрлә инсан һәлак олуб вә јараланыб.





1386 дәфә бахылыб
Лоадинҝ ...
Nur-Az Xeber
Go to TOP