Шрифт өлчүсү:
А+
А
А-
08 Мај 2022

Конашенков: Гәрбдән ҝөндәрилән силаһлар...

“Хүсуси әмәлијјат заманы Гуру Гошунларынын ракет вә артиллерија гурғулары ҝеҹә әрзиндә Украјна Силаһлы Гүввәләринин (АСГ) 240 һәдәфини вуруб”.

Буну Русија Федерасијасы Мүдафиә Назирлијинин рәсми нүмајәндәси ҝенерал-мајор Игор Конашенков дејиб.

Ҝенерал әлавә едиб ки, Ракет Гошунлары вә артиллерија гурғулары ҝеҹә әрзиндә Украјна гошунларынын 44 идарәетмә мәнтәгәси вә 196 базасына, ҹанлы гүввәси вә һәрби техникасынын ҹәмләшдији әразиләрә зәрбәләр ендириб:

“Русија Федерасијасынын әмәлијјат-тактики вә орду авиасијасы ҝеҹә әрзиндә Украјнанын 18 һәрби објектинә зәрбәләр ендириб. Онларын арасында Харков вилајәтиндә ики нәзарәт мәнтәгәси, Одесса вилајәтинин Дачноје гәсәбәси әразисиндә шәхси һејәтин вә һәрби техниканын ҹәмләшдији беш әрази, үч сурсат вә јанаҹаг анбары вар”.

Бундан башга, Харков вилајәтинин Боһодухив дәмир јолу стансијасы јахынлығында АБШ вә Авропа өлкәләриндән чохлу сајда һәрби техника мәһв едилиб.

Конашенковун сөзләринә ҝөрә, зәрбәләр нәтиҹәсиндә 280-ә гәдәр милләтчи өлдүрүлүб, 48 силаһ вә һәрби техника сырадан чыхыб.

Русија һава һүҹумундан мүдафиә гүввәләри ҝеҹә саатларында Николајев вилајәтиндә, еләҹә дә Донетск Республикасынын Сигнал, Луганск, Красногоровка, Јасиноватје вә Зугрес јашајыш мәнтәгәләриндә, Херсон вилајәтинин Олгино, Чернешина, Харков вилајәтиндә Украјнаја мәхсус 13 пилотсуз учуш апаратыны вуруб.

О әлавә едиб ки, һәмчинин Харков вилајәтинин Изјум шәһәри үзәриндә Украјнанын үч “Поинт-У” баллистик ракети вә “Торнадо” јајлым атәш системинин доггуз ракети вурулуб.

Мүдафиә Назирлијинин нүмајәндәсинин сөзләринә ҝөрә, Русија Һәрби Һава Гүввәләри јүксәк дәгигликли ракетләрлә ҹанлы гүввә вә һәрби техниканын ҹәмләшдији 5 әразини, һәмчинин Бахмут гәсәбәси әразисиндә сурсат анбарыны вуруб.

Конашенко гејд едиб ки, хүсуси һәрби әмәлијјат башлајандан индијәдәк 152 тәјјарә, 112 һеликоптер, 762 пилотсуз учуш апараты, 295 зенит-ракет комплекси, 2895 танк вә диҝәр зиреһли дөјүш техникасы, 333 реактив јајлым атәши системи, 1364 сәһра артиллеријасы вә минаатан мәһв едилиб.


1289 дәфә бахылыб
Лоадинҝ ...
Nur-Az Xeber
Go to TOP