Мүгавимәт ҹәбһәси һөрүмчәк јувасыны дәниз, һава вә јердән мүһасирәјә алыб

Он илдән артыгдыр ки, сионист режим Ливан Һизбуллаһыны там мәнада бир орду һесаб едир. Һәтта сионист режимин кечмиш мүһарибә назири Авигдор Либерман да мүсаһибәсиндә деди: “Бу һәрәкат (Һизбуллаһ) һәрби ҹәһәтдән НАТО-ја үзв олан өлкәләрдән даһа ҝүҹлүдүр.

“Рәј әл-Јовм” гәзети бунунла бағлы тәһлил дәрҹ едәрәк јазыб: “Сионист режимин буҝүнкү рәсми гијмәтләндирмәләри тәсдигләјир ки, Һизбуллаһ инди бөјүк һәрби имканлара маликдир вә онун ракетләри гаршыдурма олаҹағы тәгдирдә, ишғал олунмуш әразиләрдәки истәнилән јери вура биләр. Тәл-Әвивдәки тәһлүкәсизлик мәнбәләри јени бир дөјүш олаҹағы тәгдирдә сионист режимин ҝүндәлик 3500 ракет вә пилотсуз учан апарата мәруз галаҹағыны етираф едирләр. Буну еһтијатда олан орду ҝенералы Исаак Брик бу јахынларда бир даһа тәсдигләди.”

Тәһлилин давамында билдирилир ки, ишғалчы режим Һизбуллаһын һәрби арсеналынын кәмијјәт вә кејфијјәт бахымындан ҝүҹләндирилмәси просесинин давам етдирилмәсинә нәзарәт едир вә бу һәрәкатын инди сионист режимлә гурудан, дәниздән вә һавадан үз-үзә ҝәлмәјә гадир олдуғуну билир. Бундан әлавә, Иран бу һәрәкаты һәр ил 700 милјон долларла дәстәкләјир.

Мүәллиф даһа сонра гејд едир ки, шимал ҹәбһәсиндәки сон һадисәләрин ардынҹа тәһлүкәсизлик мәнбәләри тез бир заманда тәсдигләди ки, сионист режим ордусунун һесабламалары Һизбуллаһын сон илләрдә дәниз дөјүш техникасы әлдә етдијини ҝөстәрир. Бу, сионист режимлә нөвбәти гаршыдурманын әһатәсини ҝенишләндирә биләр. Сионист режим ејни заманда етираф едиб ки, Һизбуллаһын дәниз гүввәләри “исраил”ин дөјүш ҝәмиләри, газ платформалары, газма гурғулары вә бу режимин саһилләриндәки һәссас вә стратежи објектләри үчүн тәһлүкәдир.

Сионист режимин радио вә телевизијасынын мәлуматына ҝөрә, бу режимин дәниз донанмасынын гаршысында дуран ән мүһүм проблем шимал сәрһәдләриндә боллуг тәшкил едән тәкмилләшдирилмиш Јахонт ракетләри илә мүбаризә апармагдыр. Сионист ордунун командирләри шимал бөлҝәсиндә онларла Ҹ-802 ракетинин олдуғуну билдирәрәк, Икинҹи Ливан Мүһарибәсиндә бу һәрәкатын һәмин ракетләрдән аз сајда олдуғуну билдирирләр.

Мәлуматлы сионист мәнбәләрә ҝөрә, Һизбуллаһын јени ракет тәһлүкәси кечмишдән көклү шәкилдә фәргләнир, онун ракетләринин учуш мәсафәси 70 км-дән 700 км-ә гәдәрдир. Бу о демәкдир ки, сионист режимин бүтүн дәринлији јүксәк дәгигликлә һәдәф алтындадыр.

Бу мәнбәләр Иранын “Фарс көрфәзи” ракети кими ракетләрин бир групунун партлајыҹы дөјүш башлыглары илә тәҹһиз едилдијини вә учуш мәсафәсинин 500 километрә чатдығыны иддиа едир. Сионист режим ордусунун һесабламаларына ҝөрә, Һизбуллаһын ракетләринин учуш мәсафәси 700 километрә чатыр.
Бу мәнбәләр Иранын һәмин ракетләри Һизбуллаһа вердијини иддиа едир. Бундан әлавә, Һизбуллаһ гыса мәнзилли бир нөв ҝәми әлејһинә дәниз баллистик ракети илә тәҹһиз едилмишдир вә дәниздәки сабит вә һәрәкәт едән һәдәфләри мәһв едә билир.

Сионистләр иддиа едирләр ки, иранлылар мүлки һәрби дәниз ҝәмиләриндән һәрби мәгсәдләр үчүн истифадә едирләр вә бу ҝәмиләрдә пилотсуз учуш апаратлары, һүҹум апаратлары, габагҹыл кәшфијјат васитәләри вә електрон дөјүш аләтләри дә дахил олмагла, јүзләрлә мүхтәлиф силаһлар вар.
Сионист медиасы Тәл-Әвив тәһлүкәсизлик гурумунун мәлуматлы мәнбәләринә истинадән билдирир ки, Һизбуллаһ узагдан идарә олунан суалты гајыглар, пилотсуз учуш апаратлары, ганадлы ракетләр вә онларла ҝәми әлејһинә ракетләрлә тәҹһиз олунуб.

Сионист КИВ-ләрин билдирдијинә ҝөрә, бу режим ордусу хәбәрдарлыг едиб ки, бирбаша вә долајы дәниз тәһдидләринин даирәси артыб вә тезликлә бу тәһдидләр Ираг, Јәмән, Сурија, Ливан вә Гәззаны әһатә едәҹәк вә сон дөврләрдә Ирандан ҝәлән тәһлүкә даһа да ҝүҹләниб.

Мәгаләнин сон һиссәсиндә вурғуланыр: “Сионист һакимијјәт етираф едир ки, Иран Ислам Республикасынын рәһбәрләри Фарс көрфәзи вә Мекран дәнизи (Әрәб дәнизи) сәрһәдләриндән кәнара чыхмаг нијјәтиндәдирләр. Беләликлә, ҝәмиләр јалныз сионист режимин марагларыны дејил, бүтүн дүнјаја тәсир едән дәниз тиҹарәт јолларыны тәһдид едән бир шәкилдә Гырмызы дәнизә тәрәф һәрәкәт етдирилиб.”