Шрифт өлчүсү:
А+
А
А-
31 Октјабр 2023

Ираг Америкаја гаршы - Өлкәмиздән чых

Ирагын “Әл-Фәтһ” Парламент коалисијасынын сәдри Һади әл-Амири вурғулајыб: “ИШИД-ә гаршы коалисија адландырылан гүввәләрин Ирагдан чыхарылмасынын вахты чатыб.”

Әл-Амири дејиб: “Нә гәдәр ки, коалисија гүввәләри Ирагдадыр, һеч ким Ираг ордусундан вә диҝәр тәһлүкәсизлик гурумларындан һәрби габилијјәт әлдә едәҹәкләрини ҝөзләмәмәлидир.”

“Әл-Әһд” телеканалынын билдирдијинә ҝөрә, о, Ираг һөкумәтинә мүраҹиәт едәрәк вурғулајыб ки, һөкумәт коалисија гүввәләринин Ирагдан чыхарылмасы мәгсәдилә ҹидди, дәгиг вә гысамүддәтли графикин јарадылмасы үчүн һеч бир ҝеҹикмә олмадан бүтүн лазыми тәдбирләри ҝөрмәлидир.

Ираг рәсмиси гејд едиб ки, Америка сионистләрә вердији гејри-мәһдуд дәстәјинә ҝөрә Фәләстин халгына гаршы мүһарибәнин әсас ҹавабдеһидир. Әҝәр Америка мәзлум Фәләстин халгына гаршы сионист режими дәстәкләмәклә мүһарибәјә башламаг гәрарына ҝәлсә, ағыр мәғлубијјәтә дүчар олаҹаг.

Әл-Фәтһ коалисијасынын рәһбәри дејиб: “Сионистләрә гаршы мүһарибәдә әлимиздә олан һәр шејлә вә бүтүн ҝүҹүмүзлә Фәләстин халгыны дәстәкләјәҹәјик. Фәләстин мүгавимәтинин һәјата кечирдикләри сионист режим вә онун баш назири Нетанјаһунун вәһшилијинә нормал ҹавабдыр.”


1441 дәфә бахылыб
Лоадинҝ ...
Nur-Az Xeber
Go to TOP