Фәләстин мүгавимәтинин Һизбуллаһа мәктубу: Хејбәри јенидән фәтһ етмәк үчүн ирәлиләмәк вахтыдыр

Фәләстин мүгавимәтинин Һизбуллаһа мәктубу: Гәләбә јахындыр вә Хејбәри јенидән фәтһ етмәк үчүн ирәлиләмәк вахтыдыр

Фәләстин мүгавимәти Ливан Һизбуллаһ Һәрәкатына үнванладығы мәктубда бу һәрәкатын сионист дүшмәнә гаршы мүбаризәдә Фәләстин мүгавимәтинин јанында дајанмасыны јүксәк гијмәтләндирәрәк, гәләбәнин јахын олдуғуну вурғулајыб.

Фәләстин мүгавимәти Ливанын Ислами мүгавимәт һәрәкатына үнванладығы мәктубда Һизбуллаһ Һәрәкатынын Баш катиби Сејид Һәсән Нәсруллаһа, шәһидләрә, јаралылара вә бу һәрәкатын дөзүмлү мүҹаһидләринә салам вә алгыш ҝөндәриб.

Фәләстин мүгавимәтинин Һизбуллаһ дөјүшчүләринә үнванладығы мәктубда билдирилир: “Әзиз гардашлар, сиз ән јахшы гардашлар, тәрәфдарлар, вәфалы инсанлар вә мүгавимәт адамларысыныз. 10 ајдан артыгдыр ки, сизинлә үз-үзә ҝәлмәкдән горхан дүшмәнлә мүбаризәдә бүтүн варынызла мүбаризә вә фәдакарлыг ҝөстәрдијинизин шаһидијик.”

Фәләстин мүгавимәтинин мәктубунда әлавә олунур: “Үммәтин тарихинин бу талејүклү анларында, узаг вә јахынларын көмәјиндән мәјус олдуғу бир вахтда Гәззәнин үрәјиндән сизә бу мәктубу ҝөндәририк. Дәһшәтә дүшмүш дүшмән Гәззә золағынын күчәләриндә ајагларынын уҹунда дајаныб, ҝеҹә-ҝүндүзү горху вә ағрылы интизар ичиндә кечирир.”

Мәктубда ҝәлмишдир: “Дүшмән өз гијмәтләндирмәләриндә вә һесабламаларында сәһвә јол верди. Биз әминик ки, сиз өз миссијанызы лајигинҹә јеринә јетирәҹәксиниз. Ирандан Суријаја, Ирага вә Јәмәнә гәдәр мүгавимәт охунда сизин вә диҝәр гардашларымызын ҝүҹүнү вә тәсирли ҹиһадыны ҝөрәҹәјик. Еј мүҹаһид гәһрәманлар! Инди Хејбәр гапысыны јенидән фәтһ етмәк үчүн ирәлиләмәк вә Исраили мәһв етмәјә чалышмаг вахтыдыр. Еј “Әл-Әгса Туфаны” дөјүшүндә бизимлә мүбаризә, сәбр вә рәшадәтдә шәрик оланлар! Сизә дејирик ки, гәләбә јахындыр. Одур ки, севимли Фәләстин торпағынын вә онун мүгәддәс јерләринин гәләбәси вә там азадлығына гәдәр сәбр един.”