Ајәтуллаһ Хаменеи: Һүсејнчи ҹәбһә илә језидчи ҹәбһә арасындакы мүнагишә битән дејил

Өлкәнин һәр јериндән ҝәлмиш тәләбә һејәтләри бу ҝүн сәһәр саатларында Әрбәин ҝүнү илә ејни вахтда Ислам Ингилабынын Али Рәһбәринин иштирак етдији мәрасимдә әзадарлыг едиб.

Ислам Ингилабынын Али Рәһбәри зөһр вә әср намазларыны гылдыгдан сонра бу мәрасимдәки чыхышында дејиб: “Ашура зијарәтиндә Имам Һүсејнә (ә) дејирсиниз: “Сизинлә сүлһ едәнләрлә сүлһ, сизинлә мүһарибә едәнләрлә мүһарибә едәҹәјәм”. Һүсејнчи ҹәбһә илә језидчи ҹәбһәси арасындакы мүнагишә битән дејил.”

Ислам Ингилабынын Али Рәһбәри буҝүнкү әзадарлыг мәрасиминә тохунараг дејиб: “Бу мүнагишә давам едир, һүсејнчи ҹәбһә өзүнү танытмышдыр. Имам Һүсејн әлејһис-салам Кәрбәла сәфәри заманы нә демәк истәдијини бир нечә јердә мүәјјән етмишдир. Бујурду ки, мәсәлә зүлм мәсәләсидир, зүлмкарлыг мәсәләсидир. Мәсәлә будур. Һүсејнчи ҹәбһә зүлмә гаршы мүбаризә апарыр вә ҹиһад едир.”

Али Мәгамлы Рәһбәр вурғулајыб: “Бунун гаршысындакы ҹәбһә дә зүлм ҹәбһәсидир, илаһи әһди позмаг ҹәбһәсидир. Бу ҝүн сиз дүнјада буну ҝөрүрсүнүз. Бу ики ҹәбһә Имам Һүсејнин (ә) дөврүндән әввәл дә мөвҹуд иди. Ондан сонракы дөврдә дә мөвҹуд олмушдур. Бу ҝүн дә вар вә сона гәдәр дә олаҹаг.”

Һәзрәт Ајәтуллаһ Хаменеи чыхышынын давамында билдириб: “(Ашура зијарәтиндә) Бир фразада ҝәлмишдир ки, сиз киминлә јахшысынызса, мән дә онунла јахшыјам, киминлә мүһарибә едирсинизсә, мән дә онунла мүһарибә едирәм. Бу мүһарибәнин мүхтәлиф формалары вардыр. Гылынҹ вә низә дөврүндә бир ҹүрдүр, атом вә сүни интеллект дөврүндә башгадыр, амма вардыр. Бүтүн шәраитдә вар. “Сизинлә мүһарибә едәнләрлә мүһарибә едәҹәјәм” јаддан чыхмамалыдыр.”/ирна/