Сејид Һәсән Нәсруллаһ: Бу ҝениш әмәлијјаты “Әрбәин ҝүнү әмәлијјаты” адландырырыг

Ливан Һизбуллаһ Һәрәкатынын Баш катиби чыхышы заманы һәрәкатын кечәнÂ ҝүнÂ сионист режимә гаршы ҝениш әмәлијјатынын тәфәррүатларыны ачыглајыб вә ону “Әрбәин ҝүнү әмәлијјатлар” адландырыб.

Сејид Һәсән Нәсруллаһ бунунла бағлы дејиб: “Дүшмән ҹәнуб әтрафына һүҹум едәрәк Фуад Шүкүр вә бир нечә мүлки вәтәндашы шәһид етмәклә ҝәрҝинлијин артмасынын әсас сәбәбкары олду. Әмәлијјат Әрбәин ҝүнү илә ејни вахтда олдуғундан, бу әмәлијјат һәм дә “Әрбәин ҝүнү әмәлијјаты” адландырылды.”

Һизбуллаһ лидери әлавә едиб: “Әввәл дә дедијимиз кими ҹавабын ҝеҹикдирилмәси сионист дүшмәнин ҹәзасынын бир һиссәсидир. Диҝәр амил исә атәшкәс данышыглары вә сионистләрә неҹә ҹаваб вериләҹәји илә бағлы фикир мүбадиләси иди. Данышыглар үчүн кифајәт гәдәр вахтымыз вар. Чүнки бу ҹәбһәнин вә онун фәдакарлыгларынын мәгсәди Гәззәјә гаршы мүһарибәни дајандырмагдыр.”

Сејид Һәсән Нәсруллаһ чыхышынын давамында дејиб: “Нәһајәт, мүгавимәт охунун һәр бир групунун ајры-ајрылыгда һәрәкәт етмәси гәрара алынды вә һүҹумун вахты фәрглидир. Ливанда мүлки шәхсләрин һәдәфә алынмасына бахмајараг, биз инфраструктурлары вә мүлки инсанлары һәдәф алмамаға гәрар вердик, һәрби мәкана һүҹум етдик.”

Һизбуллаһ Һәрәкатынын лидери һәмчинин дејиб: “Дүшмәнин ҝизләтмәсинә бахмајараг, әмәлијјатларымыз нәтиҹәсиндә баш верәнләрин һәгигәтини заман үзә чыхараҹаг. Әлдә етдијимиз мәлумата ҝөрә, бир сыра пилотсуз тәјјарәләр һәдәфләрини вуруб, лакин дүшмән бунунла бағлы сусмаға үстүнлүк вериб. Дүшмәнин данышыдыглары јаланла долудур. Өзүнү реҝионун ән ҝүҹлүсү һесаб едән Исраил зәифлијинә ҝөрә јалана әл атыр.”

О, чыхышынын диҝәр һиссәсиндә дејиб: “Наһарија, Әкка вә диҝәр бөлҝәләрдә иткиләр, әҝәр баш вермишсә, Исраилин изләјиҹи ракетләри сәбәбиндән баш вериб. Исраил бизим стратежи ракетләримизи мәһв етмәкдән данышанда јалан данышды. Чүнки биз онлардан истифадә етмәмишик, амма ҝәләҹәкдә онлардан истифадә едә биләрик.”

Ливан Һизбуллаһ Һәрәкатынын лидери вурғулајыб: “Планлашдырдығымыз әмәлијјат үзрә етмәк истәдијимиз һәр шеј баш верди. Бир мүддәт әввәл биз бүтүн дәрәләрдән дәгиг вә баллистик ракетләри чыхардыг. Бу ҝүн дүшмәнин бомбаладығы бош дәрәләр иди. Дүшмәнин Тәл-Әвиви һәдәф алмаға һазырланмыш баллистик ракетләри һәдәфә алмасы илә бағлы иддиалары да јаландыр.”

Һизбуллаһ лидери гејд едиб ки, пилотсуз тәјјарәләрин бурахылыш мејданчалары вурулмајыб вә Исраилин һүҹумлары јалныз ики ракет бурахылыш платформасыны вуруб.

Сејид Һәсән Нәсруллаһ билдириб: “Ракетләр бурахылдыгдан сонра бир нечә платформа һәдәфә алынды вә бу тәбиидир. Биздә минләрлә белә платформа вар. Әмәлијјатымыза јарым саат галмыш дүшмәнин һүҹумларынын шаһиди олдуг. Онлар һазырлыг режиминдә идиләр. Исраилин вә гәрбин бүтүн техники ҝүҹләри онларын әлиндәдир.”