Шрифт өлчүсү:
А+
А
А-
23 Декабр 2024

Ајәтуллаһ Хаменеи: Аллаһын лүтфү илә, бөлҝәнин сабаһы индикиндән даһа јахшы олаҹаг

Ислам Ингилабынын Али Рәһбәри: Ҝүҹлү вә шәрәфли бир групун Суријада да мејдана чыхаҹағыны прогнозлашдырырам.

Һәзрәт Фатимә Зәһранын (ә) мүбарәк мөвлуду, еләҹә дә Имам Хомејнинин (р) мөвлуду илдөнүмүндә Әһли-Бејт (ә) мәддаһларындан бир групу өтән илләрдә олдуғу кими бир саат бундан әввәл Ислам Ингилабынын Али Рәһбәри илә ҝөрүшүб. Бу мәрасимдә һәзрәт Ајәтуллаһ Хаменеи чыхыш едиб.

Онун чыхышынын ән мүһүм мәгамлары бунлардыр:

Американын өлкәләрә һөкмранлыг етмәк планы ики шејдән биридир: ја тиранлыг јаратмаг, ја да хаос вә иғтишаш јаратмаг

Суријада хаос јаратдылар вә инди өз хәјалларында галиб ҝәлдикләрини дүшүнүрләр

Америкалы үнсүрләрдән бири кинајә илә дејир ки, Иранда иғтишаш јарадан һәр кәсә көмәк едәҹәјик; ахмагларын бурнуна мангал гохусу дәјиб!

Иран халгы бу саһәдә Америка муздлуларыны гәбул едән һәр кәси ајағынын алтында тапдалајаҹаг.

Ардыҹыл олараг дејирләр ки, Ислам Республикасы реҝионда вәкаләт гүввәләрини итирди! Бу да башга бир сәһв! Ислам Республикасынын вәкаләт гүввәси јохдур.

Јәмән дөјүшүр, чүнки иманы вардыр; Һизбуллаһ дөјүшүр, она ҝөрә ки, иманын ҝүҹү ону саһәјә ҝәтирир; ҺӘМАС вә Ҹиһад дөјүшүр, чүнки инанҹлары онлары буна вадар едир. Бунлар бизим вәкаләт гүввәләримиз дејил.

Биз әҝәр бир ҝүн һәрәкәт етмәк истәсәк, вәкаләт гүввәјә еһтијаҹымыз јохдур.

Ҝүҹлү вә шәрәфли бир групун Суријада да мејдана чыхаҹағыны прогнозлашдырырам.

Суријалы ҝәнҹин итирәҹәк һеч нәји јохдур. Университети тәһлүкәдәдир, мәктәби тәһлүкәдәдир, еви тәһлүкәдәдир, күчәси тәһлүкәдәдир, һәјаты тәһлүкәдәдир, нә етмәлидир? Бу тәһлүкәни јараданлара вә һәјата кечирәнләрә гаршы ҝүҹлү шәкилдә вә гәтијјәтлә дајанмалыдыр вә иншаллаһ, онлара галиб ҝәләҹәк.

Аллаһын лүтфү илә, бөлҝәнин сабаһы индикиндән даһа јахшы олаҹаг.

Сионист үнсүр өзүнү галиб кими ҝөстәрир, галиб инсанларын симасына ҝирир вә чыхыш едир. Мәнасыз данышыр, рәҹәз охујур.

Бәдбәхт һарада галиб олмусуз? Гәззәдә галиб ҝәлмисиз? Бир нәфәр гырх миндән чох гадын, ушаг вә көрпәни бомба илә өлдүрдүкдән сонра илк әввәл ачыгладығы һәдәфләринин һеч бирини һәјата кечирә билмәјибсә, галибдирми? Сиз ҺӘМАС-ы мәһв етмисиниз? Гәззәдә әсирләринизи азад етмисиниз?

Һизбуллаһы мәһв етмәк истәдијинизи дединиз, Сејид Һәсән Нәсруллаһ кими әзәмәтли бир шәхси шәһид етдиниз, Һизбуллаһы мәһв едә билдиниз? Һизбуллаһ јашајыр, Фәләстин мүгавимәти јашајыр, ҺӘМАС јашајыр, ҹиһад јашајыр. Сиз галиб дејилсиниз, мәғлуб олмусунуз.

Суријада гаршыныз ачыг иди. Гаршынызда бир нәфәр дә силаһлы әсҝәр јох иди. Танк вә һәрби техника илә бир нечә километр ирәлиләмәјә наил олдунуз. Бу гәләбә дејил. Гаршынызда һеч бир манеә јох иди. Бу гәләбә дејил. Тәбии ки, Суријанын ҹәсур вә гејрәтли ҝәнҹләри сизи бурадан мүтләг говаҹаглар.


1318 дәфә бахылыб
Лоадинҝ ...
Nur-Az Xeber
Go to TOP