Шрифт өлчүсү:
А+
А
А-
23 Декабр 2024

Јәмән ордусу АБШ-ы тәкзиб етди: Гырыҹыны биз вурмушуг!

Јәмән Силаһлы Гүввәләринин мәтбуат катиби бирләшмиш әмәлијјат һәјата кечирдикләрини вә Американын тәјјарәдашыјан ҝәмисини, еләҹә дә бу өлкәнин Ф-18 гырыҹысыны һәдәфә алдыгларыны ачыглајыб.

Јәмән Силаһлы Гүввәләринин мәтбуат катиби ҝенерал-мајор Јәһја Сәрии бунунла бағлы билдириб: “Мәзлум Фәләстин халгынын мүдафиә етмәк, Гәззә золағына вә Јәмәнә едилән һүҹумлара ҹаваб олараг, Силаһлы Гүввәләримиз дүнән ахшам саатларында өлкәмизә һүҹума башлајан УСС Һаррј Труман тәјјарәдашыјан ҝәмисини вә бир сыра Америка есминесләрини ејни вахтда һәдәфә алмаға мүвәффәг олду.”

Јәһја Сәрии бу әмәлијјатын сәккиз ганадлы ракет вә 17 пилотсуз тәјјарә илә һәјата кечирилдијини ачыглајыб.

Силаһлы Гүввәләрин мәтбуат катиби дејиб: “Есминесләр Јәмән ракетләри вә пилотсуз тәјјарәләринә гаршы дурмаға чалышаркән Американын Ф-18 гырыҹы тәјјарәси вурулду.”

“Апардығымыз әмәлијјатлар нәтиҹәсиндә дүшмән гырыҹыларынын әксәријјәти Јәмән гүввәләринин һәдәфиндә олан өз тәјјарәдашыјан ҝәмисини мүдафиә етмәк үчүн Јәмәнин һава мәканыны тәрк едәрәк Гырмызы дәниздәки бејнәлхалг сулара гајытдылар” - дејә, о, әлавә едиб.

Јәмән Силаһлы Гүввәләринин сөзчүсү һәмчинин билдириб ки, бу әмәлијјат заманы Јәмән әразисинә һүҹумун гаршысы алынды, Труман тәјјарәдашыјан ҝәмиси дә һәдәф алындыгдан сонра әввәлки јериндән Гырмызы дәнизин шималына чәкилди.

Ҝенерал-мајор Јәһја Сәрии вурғулајыб: “Биз дүшмән Исраил вә Америкаја Јәмәнә тәҹавүзә гаршы хәбәрдарлыг едирик; чүнки Јәмән Силаһлы Гүввәләри өлкәнин мүдафиәси үчүн там һүгугларындан истифадә едәҹәкләр вә Гәззәнин ишғалы баша чатана вә блокаданын ҝөтүрүлмәсинә гәдәр Фәләстин халгына дәстәјини давам етдирәҹәкләр.”


963 дәфә бахылыб
Лоадинҝ ...
Nur-Az Xeber
Go to TOP