Шрифт өлчүсү:
А+
А
А-
02 Јанвар 2025

Мүгавимәт давам едир вә ҝүҹүнү бәрпа едиб

Ливан Һизбуллаһ Һәрәкатынын Баш катиби мүгавимәтин давам етдијини билдирәрәк дејиб: “Һизбуллаһын Ислами Иранла әмәкдашлығы реҝиондакы мөвҹуд проблемләрин өһдәсиндән ҝәлмәк үчүн әлдә едилиб. Һизбуллаһ, Јәмән вә Ирагын Гәззәјә вердији дәстәјин һамысы ортаг дүшмәнлә гаршыдурма илә бағлы ваһид бахышдан ирәли ҝәлир.”

Шејх Нәим Гасим чәршәнбә ҝүнү, јанварын 1-дә “Ислам Һуманитар Елмләр Ҝүнү”нүн мәрасиминә видеомүраҹиәтиндә билдириб: “Бизим мөвгејимиз тәҹавүзә гаршы мүбаризә вә она мүгавимәт ҝөстәрмәкдир. Бизим әсасында һәрәкәт етдијимиз ҹиһад руһу вә башгаларынын торпағы азад етмәк јолунда онун әсасында гәдәм гојдуғу вәтәнпәрвәрлик руһу арасында һеч бир зиддијјәт јохдур.”

Һизбуллаһ Һәрәкатынын Баш катиби билдириб: “Биз инанырыг ки, бөлҝәдәки чәтинликләрин өһдәсиндән ҝәлмәк үчүн Ислами Иран илә әлдә едилән әмәкдашлыг вә Һизбуллаһ, Јәмән вә Ирагын Гәззәјә вердији дәстәк, һамысы ортаг дүшмәнлә гаршыдурма илә әлагәли ваһид бахышдан ирәли ҝәлир. Конкрет бир ҹоғрафијада олса белә, иман вә әгидә бахымындан, о ҹоғрафијада вә торпагда јашајанларын һамысынын бу дүшмәнә гаршы дурмасы лазымдыр.”

“Бизим һаггымыздыр ки, Ислам үммәтиндән вә дүнјадан дүшмәнә гаршы Фәләстини вә Гәззәни дәстәкләммәсинин сәбәбини сорушаг” - дејә, Һизбуллаһ лидери әлавә едиб.

Нәим Гасим мүраҹиәтинин давамында дејиб: “Һәгигәтән дә Гәззәдә вә Ливанда дүшмән Исраилә гаршы мифик мүгавимәт формалашмышды вә бу мифик сабитлијин дәстәкләнмәсиндә гардашлар арасында әмәкдашлыг мүһүм рол ојнады. Шәһид Һаҹы Гасим Сүлејмани, үммәтин бөјүк шәһиди Сејид Һәсән Нәсруллаһ, Сејид Һашим Сәфијәддин, Јәһја Синвар, Исмајыл Һәнијјәнин ганы, Јәмән Әнсаруллаһынын дәстәји, Әбу Меһди әл-Мүһәндисин шәһадәти вә Һәшд-Шәбинин, Нәҹәфи-әшрәф вә мүгәддәс Гумдакы дин мәрҹәләри, дүнјанын азад инсанлары имканлары чатдығы һәр шеји тәгдим етдиләр. Бүтүн бу әмәкдашлыглар бизи дүшмәни рүсвај етмәк, ҝәләҹәк үчүн вә әмәли наилијјәтләр наминә мүгавимәти давам етдирмәк вә онун мәтанәтини мөһкәмләндирмәкдә гәти гәрар гәбул етмәк мөвгеиндә гојур.”

Ливан Һизбуллаһынын Баш катиби атәшкәс разылашмасына тохунараг дејиб: “Онун мәсулијјәти Ливан һөкумәтинин, разылашманын һәјата кечирилмәсини сијаси јолла тәгиб едән нәзарәтчи һөкумәтләрин вә комитәләрин үзәриндәдир ки, Исраил Ливандан чыхсын. Лакин Исраил позунтулара јол верир вә тәҹавүзләр едир. Бунлар јүзләрлә һава вә дәниз һүҹумларыдыр. Һабелә евләри дағытмаға, әввәлләр онун үчүн мүмкүн олмајан бәзи әразиләрә ҝирмәјә башлајыб.”

Һәрәкат лидери бәјан едиб: “Һизбуллаһ бунунла бағлы һөкумәтә өз мәсулијјәтини гәбул етмәк шансы вермәк гәрарына ҝәлди. Бу, һөкумәтин өһдәсинә алдығы сијаси мәрһәләдир. Бурада бизим разылашдығымыз бәзи бахышлар вар вә о да һөкумәтин бу разылашманын иҹрасына ҹавабдеһ олмасыдыр.”

Шејх Нәим Гасим дејиб: “Биз мүгавимәтлә сүбут етдик ки, дүшмәнин сәрһәдјаны әразиләрдә ирәлиләмәсинә имкан вермәјәҹәјик. Һәмчинин, мөвҹуд вәзијјәт Ливан һөкумәти үчүн сијаси перформансы илә өзүнү сүбут етмәк үчүн бир фүрсәтдир. Мүгавимәт давам едир вә өз ҝүҹүнү бәрпа едиб, онун көклү бир иманы олан, ҝәләҹәкдә ирәли ҝетмәсинә, парламасына вә даһа да ҝүҹләнмәсинә имкан верән сәдагәтли вә шәһидлик арзусунда олан гүввәләри вар.”


1038 дәфә бахылыб
Лоадинҝ ...
Nur-Az Xeber
Go to TOP