Шрифт өлчүсү:
А+
А
А-
02 Јанвар 2025

Рәҹәб ајы вә онун биринҹи ҝеҹәси инсаны илдырым сүрәтилә сиратдан кечирән намаз

Рәҹәб ајы чох шәрафәтли бир ајдыр. Бунун бир нечә сәбәби вардыр:

1. Һөрмәти сахланылмасы ваҹиб олан ајлардандыр.
2. Дуа етмәк үчүн ујғун вахтлардан сајылыр, һәтта ҹаһилијјәт дөврүндә дә бу мәсәлә мәшһур олуб вә ҹамаат о дөврдә дуа етмәк үчүн Рәҹәб ајынын ҝәлишини ҝөзләјирди.
3. Рәҹәб ајы Әмирәлмөминин Әлинин (ә) ајыдыр. Неҹә ки, рәвајәтләрә ҝөрә, Шәбан Пејғәмбәрин (с) вә Рамазан Мүтәал Аллаһын ајы сајылмышдыр.
4. Рәҹәб ајынын биринҹи ҝеҹәси ојаг галараг ибадәт едилмәси үчүн тәкид олунмуш дөрд ҝеҹәдән биридир.
5. Бу ајын ортасындакы ҝүн барәдә ҝәлмишдир ки, һәмин ҝүн Аллаһын јанында ән севимли ҝүндүр вә “Истифтаһ” әмәлинин вахтыдыр.
6. Бу ајын ијирми једдинҹи ҝүнү Рәсули-әкрәмин (с) мәбәс ҝүнүдүр. Һәмин ҝүн Аллаһын рәһмәтинин зүһур етдији ҝүндүр. Елә бир рәһмәт ки, хилгәтин әввәлиндән индијә кими онун мисли ҝөрүнмәмишдир.
Бунлар Рәҹәб ајынын фәзиләтләринин аз бир һиссәсидир вә биз бу шәрәфли ајын бүтүн фәзиләтләрини дәрк етмәјә гадир дејилик.

Рәҹәб ајынын биринҹи ҝеҹәсинә аид намаз

“Игбал”да “Рәвзәтул-абидин” китабындан бу ҝеҹәјә аид намазлар нәгл олунмушдур. Өзүм кими зәиф кәсләр үчүн онлардан ән асан оланыны гејд едирәм.
Аллаһын Рәсулундан (с) рәвајәт олунуб ки, һәзрәт бујурду: “Һәр ким Рәҹәб ајынын биринҹи ҝеҹәси мәғриб намазындан сонра ијирми рәкәт намаз гылса вә һәр рәкәтдә “Һәмд”дән сонра бир дәфә “Ихлас” сурәсини охуса вә һәр ики рәкәтдән сонра салам охуса, бу намазын савабыны билирсинизми?” Сәһабәләр дедиләр: “Аллаһын Рәсулу (с) билир.” Пејғәмбәр (с) бујурду: “Руһул-әмин бу намазы мәнә өјрәтди.” Сонра һәзрәт голларыны чырмалајыб бујурду: “Һәр ким бу намазы гылса, өзү, аиләси, малы вә өвладлары аманда галар, гәбр әзабындан аман вериләр, сиратдан һесаб-китабсыз вә илдырым кими кечәр.”

Бу китабда даһа асан бир намаз нәгл олунушдур.
Аллаһын Рәсулу (с) бујурду: “Һәр ким Рәҹәб ајынын биринҹи ҝеҹәси иша намазындан сонра ики рәкәт намаз гылса вә онун биринҹи рәкәтиндә “Һәмд”дән сонра бир дәфә “Әләм нәшрәһ", үч дәфә “Ихлас” сурәсини охуса, икинҹи рәкәтдә “Һәмд”дән сонра “Әләм нәшрәһ”, “Ихлас” вә “Муәззәтәјн” -јәни “Нас” вә “Фәләг” сурәләринин һәр бирини бир дәфә охуса, намазын саламыны вердикдән сонра отуз дәфә “Ла илаһә илләллаһ” вә отуз дәфә “Әллаһуммә сәлли әла Муһәммәдин вә али Муһәммәд” десә, онун кечмиш ҝүнаһлары бағышланар, анадан тәзә доғулуш ҝүн кими ҝүнаһлардан тәмизләнәр.

“Игбал” китабында Һәләванинин “Әт-Туһфәһ” китабындан бу ајын бүтүн ҝеҹәләри үчүн намаз нәгл олунмушдур. Аллаһын Рәсулу (с) бујурду: “Һәр ким Рәҹәб ајында һәр ҝеҹә ики рәкәт олмагла 60 рәкәт намаз гылса; онун һәр рәкәтиндә “Һәмд”дән сонра үч дәфә “Гул ја әјјуһәл-кафирун”, үч дәфә “Гул һувәллаһ” сурәләрини охуса, намазын саламындан сонра әлләрини галдырыб десә:

«لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ لَهُ الْمُلْكُ وَ لَهُ الْحَمْددُ يُحْيِي وَ يُمِيتُ وَ هُوَ حَيٌّ لاَ يَمُوتُ بِيَدِهِ الْخَيْرُ وَ هُوَ عَلَى كُلِّ شَيْ‏ءٍ قَدِيرٌ وَ إِلَيْهِ الْمَصِيرُ وَ لاَ حَوْلَ وَ لاَ قُوَّةَ إِلاَّ بِاللَّهِ الْعَلِيِّ الْعَظِيمِ‏ اللَّهُمَّ صَلِّ عَلَى مُحَمَّدٍ النَّبِيِّ الْأُمِّيِّ وَ آلِهِهِ‏»

“Ла илаһә илләллаһу вәһдәһу ла шәрикә ләһ. Ләһул-мулку вә ләһул-һәмду јуһји вә јумиту вә һувә һәјјун ла јәмуту бијәдиһил-хәјру вә һувә әла кулли шәјин гәдирун вә иләјһил-мәсир. Вә ла һөвлә вә ла гуввәтә илла биллаһил-әлијјил-әзим. Әллаһуммә сәлли әла Муһәммәдин ән-нәбијјил-уммијји вә алиһ”
Сонра әлләрини үзүнә чәксә, Субһан Аллаһ онун дуаларыны гәбул едәр, алтмыш һәҹҹ вә алтмыш үмрәнин саваныбы она верәр.”

“Әл-Мурагибат” китабындан


1017 дәфә бахылыб
Лоадинҝ ...
Nur-Az Xeber
Go to TOP