Шрифт өлчүсү:
А+
А
А-
05 Јанвар 2025

ҺӘМАС јајды: Исраилли ҝиров нәләр деди?

ҺӘМАС-ын һәрби ганады олан Иззәддин әл-Гәссам Бригадасы сосиал шәбәкәдә ҝиров ҝөтүрүлмүш Исраил әсҝәри Лири Албагын ҝөрүнтүләрини јајыб.

19 јашлы һәрбчи намәлум тарихдә чәкилән видеода 450 ҝүндән чох ҝировлугда олдуғуну билдириб.

“450 ҝүндүр Гәззада мәһбусам вә һәјатым дајаныб. Бу ҝүн јени илин башланғыҹыдыр вә бүтүн дүнја гејд едир, буна бахмајараг, биз гаранлыг бир илә ҝиририк. Биз һөкумәтимиз вә ја ордумуз үчүн приоритет дејилик. Һәтта дүнја бизи унутмаға башлајыб вә әзијјәтимизи өнәмсәмир”, - о дејиб.

Албаг Исраил һөкумәтинә сәсләнәрәк, “Әҝәр јахынларыныз әсирликдә олсајды, мүһарибә индијә гәдәр давам едәрди?” суалыны вериб:

“Сиздән һәгигәтән сорушмаг истәјирәм: бизи өлдүрмәк истәјирсиниз? Мүдафиә назири, сиз атамы таныјырсыныз, ҝөзләринин ичинә бахын вә дејин ки, о, анамла гызларыны гуҹагламајаҹаг. Үзләринә бах вә бунлары де. Сәнин ҹәсарәтин чатмајаҹаг. Өлүмү вә достумун башына ҝәләнләри өз ҝөзләримлә ҝөрәндән сонра анладым ки, бизим һәјатымыз сизин үчүн өнәмли дејил. Мән баша дүшүрәм ки, биз сизин ојунҹағынызыг. Һәрби әмәлијјатларла бизи бурадан сағ чыхармаг мүмкүн дејил, буну билирсиниз. Бу методун нәтиҹә верәҹәјини дүшүнмәк дәлиликдир”.

Албаг сон олараг гејд едиб ки, адымы вә бу видеону хатырлајын:

“Мәзарымын үстүнә “Бунларын һамысы һөкумәт вә ордунун сајәсиндәдир” јазылсын”.


928 дәфә бахылыб
Лоадинҝ ...
Nur-Az Xeber
Go to TOP