Шрифт өлчүсү:
А+
А
А-
28 Март 2014

Суријада даһа ики азәрбајҹанлы террорчу мәһв едилиб - (Фотолар)

Суријада Азәрбајҹанын даһа ики вәтәндашынын өлдүрүлдүјү барәдә хәбәр јајылыб.

Бу барәдә террорчулара  мәхсус сајтлар мәлумат јајыб. Мәлумата ҝөрә, өлән дөјүшчүләр “Ираг Шам Дөвләти” силаһлы груплашмасы тәркибиндә вурушан “Сәлаһәддин” вә “Ләзҝи Һәмзә” ләгәбли Азәрбајҹан вәтәндашларыдыр.

“Сәлаһәддин” ләгәбли азәрбајҹанлынын әсл адынын Маһмуд, өзүнүн исә Азәрбајҹанын Шәки рајонундан олдуғу билдирилир.

Террорчулар сосиал шәбәкәләрдә һәр ики шәхсин фотосуну да пајлашыблар.

Онларын бир мүддәт әввәл өлдүрүлдүјү билдирилир.

Гејд едәк ки, Суријада вәзијјәт ҝәрҝинләшәндән сонра бир груп Азәрбајҹан вәтәндашы бу өлкәјә ҝедәрәк мүхтәлиф груплашмаларын тәркибиндә вурушмаға башлајыб. Өтән мүддәт әрзиндә һәмин дөјүшләрдә 100-дән чох азәрбајҹанлы өлдүрүлүб. Онларын бир чохунун фотосу террорчулар тәрәфиндән сосиал шәбәкәләрдә јајылыб.

Бундан бир нечә ҝүн әввәл исә Суријада бир ҝүндә 12 азәрбајҹанлы дөјүшчүнүн өлдүрүлдүјү барәдә мәлумат јајылыб./апа/




4401 дәфә бахылыб
Лоадинҝ ...
Nur-Az Xeber
Go to TOP