Елшад Абдуллајев Мир Шаһини јердән-јерә вурду

АНС телеширкәтинин витсе-президенти Мир Шаһин Ағајевлә Азәрбајҹан Бејнәлхалг Университетинин (АБУ) сабиг ректору Елшад Абдуллајев арасында сөз атышмасы давам едир. Сонунҹу дәфә Мир Шаһин Елшад Абдуллајевә ачыг мәктуб јазмышды. Бу ҝүн һазырда Франсада сијаси мүһаҹирәтдә олан Елшад Абдуллајев Мир Шаһинә ачыг мәктуб үнванлајыб. Мәктубун бир нүсхәси “Азполитика”ја дахил олуб. Мир Шаһинин јердән-јерә вурулдуғу мәктубу ҹүзи ихтисарла тәгдим едирик.

“Һөрмәтли Мир Шаһин Ағајев !
Илк өнҹә билдирмәк истәјирәм ки, гардашымла бағлы үзүнтү ҝөстәрән һәр бир кәсә өз миннәтдарлығымы билдирирәм вә сәмими дә гәбул едирәм, садәҹә олараг мән бу ҝүн дә гардашымын оғурландыгдан сонра өлдүрүлмәсинә инанмырам, һәсрәтлә ҝери гајытмасыны ҝөзләјирәм.
Ҝөрүрәм мәним, сизин гејд етдијиниз кими, сырадан олан бир публисисти “һөрмәтли” адландырмағым сизи чох тәҹүбләндириб. Белә баша дүшдүм ки, бу ҝүн сиз өзүнүз барәниздә сәсләнән һәр һансы бир мүсбәт фикрә тәәҹүблә јанашырсынынз. Әслиндә бунда мәнтиг вар. Белә ки, мән “һөрмәтли” ифадәсини “һөкумәт вә халг арасында бир көрпү гурмуш” (нә гәдәр ҝүлмәли сәсләнир) Рамиз Меһдијеви идеалы сајан Мир Шаһинә демәмишәм, һөрмәтли ифадәси мәним тәрәфимдән илләр бундан өнҹә рәһмәтлик журналист Чинҝиз Мустафајевин давамчысы олмуш бир јазара, публисистә сөјләнилиб. Һәмин Шаһинин бу ҝүн әфсуслар олсун ки, ҹисмани мәнада нә өзү вар, нә дә һәмин ити гәләми. Мән дејән Шаһинин о заман гәләмә алдығы һәр бир сәтирдә рәһмәтлик Чинҝиз Мустафајевин ермәниләрин гаршысындан гачанлара һәјаҹанла уҹадан сөјләдији бир кәлмә …….. (һесаб едирәм сөјләмәјә еһтијаҹ дујулмур) өз әксини тапырды.
Нә баш верди ај Шаһин? Даима јетим-јесирин јанында олан, мәмур өзбашыналығындан ҹар чәкән, јери ҝәләндә лап елә бир ректордан – мәндән тәнгид характерли бурахылышлар һазырлајан Шаһин, бу ҝүн өзүнүн ҹүрәт едиб дејә билмәдијини елә һәмин ректор бүтүн дунјаја јајанда, дәрһал онун һәбсини арзулајырсыныз, һәгигәти сөјләјән танынмыш һәмкарларынызы, һүгуг мүдафиәчиләрини КИВ-дә ашығыламагдан белә чәкинмирсиниз, ефирдән һәлә гајсағы гурумамыш јараларымызы сызылдадан дүшмән мелодијаларынын динләнилмәсини нормал сајырсыныз.
Будурму Шаһинин алнына јазыланлар?

Будурму сизин “дәгиг, гәрәзсиз вә виҹданлы” фәалијјәтиниз?

Бәли, мәнә тәсир едир. Бурада анламамалы нә вар ки? Јаздыгларынызда сәмими олмасаныз да, дүзҝүн бујурурсунуз ки, үрәјим долудур. Бәјәм нечә илләр (бәзи мәгамларда дејирсиниз ки, филанкәс мәним тәләбәмдир) журналистикада олан бир инсан кими, бу јазыданмы баша дүшдүнүз ки, үрәјим долудур, ганы ҹанымдан олан елә сиз јашыдда гардашымы он илдир ки, оғурлајыблар, нә изи вар, нә дә тозу?
Гардашым оғлу Мүбариз Абдуллајеви ҝүја мәним өзүмә гаршы ҹинајәт төрәдиб, мәни зәрәрчәкмиш кими утанмадан таныјыб 10 ил ҹинајәт мәсулијјәтинә ҹәлб едибләр вә сизин “дәмир леди”низдән фәргли олараг, бу ҝүн дәмир бармаглыглар архасындадыр, һимајәсиндә дә бир дејил, ики дејил, 4 азјашлы өвлады.

Сизә мәсләһәтим будур ки, кәлимәләринизи өлчүб-бичмәмиш иҹтимаиләшдирмәјин. Шүкүрләр олсун, бу ҝүн Бакы шәһәриндә мәним һүгугларымы мүдафиә едән адлы-санлы, нүфузлу вәкилим вар. Əҝәр кифајәт гәдәр “мандат алвериндән” мәлуматыныз јохдурса, фәалијјәтләри алгышлара лајиг инсанлар һаггында ашағылајыҹы јазылар дәрҹ етмәкдәнсә бир мүраҹиәт един. Бәлкә бундан сонра мәлуматыныз олар ки, мән һеч вахт Ҝ.Әһмәдованын һәбс олунмасы үчүн шикајәтдә булунмамышам. О замана гәдәр ки, “дәмир леди” адландырдығыныз ҹинајәткар (артыг бу ҝүн белә адландырмаг олар) барәсиндә бәј тәрифи сөјләдијиниз шәхсә архаланыб мәним хаһишләрими рәдд едиб, гапыны ҝөстәрмишдир. О ки галды мәним мүсаһибә алмаг арзума, мән журналист дејиләм, амма сизи гәтијјәтлә инандырырам ки, бир ҝүн гурбанлар да, һавадарлар да мүсаһибә јох, лајиг олдуглары ҹәзаны алмамышдан өнҹә објектив ифадә верәҹәкләр. Мән дә ҝәләҹәм. Артыг неҹә ҝәләҹәјими бурахырам о уҹа ҝөрүнмәзин өһдәсинә. Буна әмин ола биләрсиниз.

“Дејәсән бу вурчатласында Сизин ҝүҹүнүз јалныз мәнә чатыр”. Бир танынмыш журналист кими бу ифадәнизи дә мән анлаја билмирәм. Дашы атыб, сонра ҝизләнмәк лазым дејил. Мәним ҝүҹүм өзүмә чатды. Аллаһыма шүкүрләр олсун ки, мән сиздән фәргли олараг өзүмдә ҝүҹ тапыб һәгигәти сөјләјә билдим вә ҝүҹүм мәни тәрк едәнә гәдәр дә буну едәҹәм, һеч шүбһәниз олмасын.

Јазырсыныз ки, “үрәјиндә Әли рәһми олан бир азәрбајҹанлы тәк һеч кимин зинданда, һәбсдә вә ја үмумијјәтлә әзизләриндән, Вәтәндән узагда олмасыны арзуламырам”. Белә олан һалда неҹә олур ки, мәгам дүшән кими, елә һәмин АНС-ин ефириндән мәним һәбсимдән сөз ачырсыныз? Буну неҹә баша дүшәк? Белә чыхыр ки, кимләринсә Әли рәһминә аидијјаты вар, мәним јох? Әҝәр сизин һәмин “кимләрләсә” бир гоһумлуг әлагәниз варса, мән сизи баша дүшмәјә чалышарам, бахмајын, ган чәкә биләр. Амма әҝәр белә бир әлагә мөвҹуд дејилсә вә буну гәсдән едирсинизсә сизә јазыглар олсун!

Сиз мәһкәмәнин гәрары илә ҹинајәткар адына лајиг ҝөрүлмүшүн биринә “дәмир леди”, он илдир гардашы оғурланмыш бир инсана һәбс арзулајын, сонра да дејин ки, “Мән Сејид өвладыјам вә мәним јолум һәр һалда бөјүкдүр.”

Әзизим, Аллаһыны севмәјәнә кафир дејәрләр, Аллаһ јолунда әзијјәт чәкәнләрә дә һөрмәт едәрләр. Мән илаһијјатчи дејиләм, амма бир мүсәлман кими, ону да билирәм ки, ифтира атмаг, јалан данышмаг Аллаһ тәрәфиндән дә гәбул едилмир. Һаны сизин о бөјүк јолунуз? Әҝәр сиз бу ҝүн Сејид-Пејғәмбәр јолундан дејил, өзүнүзүн ҝетдијиниз јолдан дәм вурурсунузса вә һәмин јолун енини- узунуну өлчүб нәтиҹә чыхарырсыныз ки, сизин јолунуз бөјүкдүр. Бу јанлыш фикирдир.

Үмумијјәтлә демәк олар ки, јүрүтдүјүнүз фикирләрин әксәријјәти илә разы дејиләм. Мисал үчүн, гејд едирсиниз ки, “бир сырави публисист кими ад вә ја епитет сечиминдә азадам вә Ҝ.Әһмәдоваја “дәмир леди” демәк сырф зөвг мәсәләсидир.”

Мәним фикримҹә, зөвгүн бөјүк мәнада инсанлыг үчүн психоложи тәсири вар вә һесаб едирәм ки,“мандат алверчиләринин” дејил, тәкҹә даһиләрин, халгынын гаршысында хүсуси хидмәтләри оланларын сечимләри вә истәкләри тәгдирәлајиг, ја да ки, тәрбијәви сајыла биләр. Мәним таныдығым, билдијим инсанлар зөвгүн конститусијасыны өзләри үчүн бирдәфәлик ајдынлашдырыблар. Истәр үзәвари јанашанда, истәрсә дә «философјана» шәкилдә дәринлијә варанда зөвг, садәҹә вә садәҹә, јаддашында оландыр, үрәјиндә истәдијиндир, әл узатсан белә чатаҹаг гәдәр јахында олуб, сығал чәкә билмәдијиндир, өзлүјүнү билиб дә јетмәк истәдијинә јетә билмәмәјиндир! КИ… онун ифадәсини ҝөрәндә бәјәнирсән, тәгдир, тәблиғ едирсән — чүнки өзүн варсан, өзлүјүнү ҝөрүрсән. İнди ај әзизим Миршаһин, әҝәр сиздә Ҝүләр ханыма бу гәдәр үрәкдән, бир дост вә јахуд даһи кими һөрмәт едирсинизсә, онун ифадәсини ҝөрәндә бәјәнирсинизсә, онун мандат сатмасыны тәгдир, тәблиғ едирсәнизсә, ону ҝөрәндә өзүнүзү ҝөрүрсүнүзсә, бујурун, нә гәдәр зөвг алырсыныз алын! Амма бу зөвгү екранлардан һәр бир азәрбајҹанлынын евинә ҝириб тәблиғ етмәјин. Зөвгүнүзү бизләрә сырамајын!

Тәмамилә дүзҝүн бујурурсунуз ки, сизин ҝөзләр чох шеј ҝөрүб, ҝөрүр вә јаша ҝөрә тәбии зәифләмәсинә бахмајараг, һәлә ҝөрәҹәк иншаАллаһ. Лакин ҝөрмәјин нә мәнасы ај Мир Шаһин? Бир ҝөрдүјүнүзү олдуғу кими динләјиҹинизә, јаздыгларынызы охуҹуларыныза чатдырмаг габилијјәтинә малик дејилсинизсә, бунун нә мәнасы вар? О ки галды кимәсә дәјиб тохунмамағыныза, әфсуслар олсун ки, мән о фикирдә дејиләм.
Сәһв етмирәмсә сиз Республиканын Әмәкдар Журналисти адына лајиг ҝөрүлмүсүнүз. Әмәкдар журналист өз јазысында оппонентинин, әҝәр белә демәк мүмкүндүрсә анадан олуб, бөјүјүб баша чатдығы ҹоғрафи мәканын адыны истеһза илә чәкмәз, доғма Азәрбајҹанымызы рајонлара, мәмләкәтләрә бөлмәз, мәним сизин анадан олдуғунуз ҹәнуб зонасынынын инсанына бөјүк һөрмәтим вар вә онларла вәтәнимин диҝәр бөлҝәләриндән олан һәмвәтәнлиләрим арасында һеч вахт фәрг гојмаг ҹүрәтиндә олмамышам. Сиз мәним барәмдә һәр һансы бир фикир јүрүдә биләрсиниз, амма һеч бир һалда сизә мәсләһәт ҝөрмүрәм ки, бөлҝә сөһбәтини бу мәсәләләрә гарышдырасыныз. Халгын иттиһамы ағыр олур…

Бәли, мән һәмин Елшад Абдуллајевәм ки, зәнҝин Күрдәмир рајонунун, зәнҝин аиләләринин биринин өвлады кими Бакы шәһәринә ҝәлиб университет ачмышам. Бәјәм университет ачмаг үчүн Бакы шәһәринин мәркәзиндә анадан олмаг лазымдыр? Университети мәндән тәләб едәнләрин дили илә бујурдуғунуз дөвләт бинасында дејил, өзәл, шәхси мүлкүмдә ачмышам. Әҝәр һәмин биналарын статусу кимләр үчүн исә мараг доғурурса, мән бөјүк мәмнунијјәтлә шәхси әмлакымын сәнәдләрини тәгдим едә биләрәм.

Бәли, мән һәмин Елшад Абдуллајевәм ки, сизин кимиләрин јүкүнү үзәримә ҝөтүрүб инсан оғруларыны, рүшвәтхор-рекет прокурорлары, һакимләри, тәмсил етдикләри тәшкилатлары рәзил едән әмәкдашлары, ҝөрүнтү јарадан бизнесменләри, бу милләтин ганыны ичән мәмурлары, мандат алверчиләрини сизин дејил, тәмамилә дүзҝүн бујурурсунуз ки, өз камераларымла чәкиб ичтимаиләшдирмишәм вә буна ҝөрә дә пешиман дејиләм.
Садәҹә нәтиҹәдә әмәкдар журналисти сиз алырсынызы, вәтәндән дидәҝин дүшән мән олурам. Өзү дә мәнә ҝөрә нараһат олмајын. Мән нә етдијими ҝөзәл билирәм, бәдәлини дә өдәмәјә һәр ан һазырам.

Амма сиздән сонра, ҹәнаблар! Әҝәр өз хидмәти отағымда, евимдә, офисимдә мәни тәһдид едәни, оғурланмыш гардашымын ҝери гајтарымасына даир базарлыг апаранлары, үммумијјәтлә ҹинајәти камераја чәкиб, иҹтимаиләшдирмәк ҹинајәтдирсә, мән буну етираф едиб, “ҹәзамы” чәкмәјә һазырам.

Инди исә нөвбә сизиндир, бујурун ҹәнаблар, сиз мәним чәкдијим видео-ҝөрүнтүләрдә әкс олунмуш ҹинајәтләринизи етираф един!

Ҹығаллыг етмәјин. Әзизим Мир Шаһин, јәгин ки, билмәмиш дејилсиниз, ҹинајәткарын миллијјәти олмадығы кими, зәнәни-кишиси дә олмаз. Ҹинајәткар ҹинајткардыр. Мәним бәзиләриндән фәргим ондан ибарәтдир ки, Азәрбајҹанда һүгуги бөһрандан, баш алыб ҝедән һагсызлыгдан, ҹинајәткарлығын туғјан етмәсиндән данышмырам, сүбут-фактларла ҝөстәрирәм.

Азәрбајҹанда јашамаг, Азәрбајҹанлы олмаг демәк дејил, ҝәрәк руһән, мәнавијјатҹа Азәрбајҹанлы оласан!

Беләдә кимин Азәрбајҹанлы олуб-олмамасыны биз сизинлә ҝөзәл билирик. Садәҹә, бунун үзәриндә дајанмағы өзүмә рәва билмирәм. Вә мәнҹә башлыҹа мәсәлә дә елә будур!

Елшад Абдуллајев. Франса.
15.05.2014.