Шрифт өлчүсү:

15 Октјабр 2014

Артыг чәки һамынын башынын бәласыдыр. Бәдәнин һансы бөлҝәсиндә олурса-олсун, артыг чәки хоша ҝәлән дејил. Һеч бир јердә дә ҝөзәл ҝөрүнмүр, амма елә бир јер вардыр ки, бурада топланан јағлар диҝәр јерләрдән даһа тәһлүкәлидир. Һәм ҝөрүнтү бахымындан, һәм дә сәһијјә призмасында гарын бөлҝәсиндәки јағлар чох пис ҝөрүнүр. Бу һал гадынлары даһа чох нараһат едир. Ҝөбәк наһијәсиндә топланан јағлар гарнымызын ичинә гәдәр ҝирир вә дахили органларымыза зәрәр верир.

Ҝөбәк галынлығынын мүәјјән бир стандарты вар. 70-93 см гарын әтрафы нормал, 94-101 см риск, 102 см вә јухары ҝөбәк әтрафы јүксәк риск демәкдир. Бу гәдәр риск дашыјан ҝөбәк јағларындан һәјатымызы даһа чох тәһлүкәјә салмадан хилас олмаг лазымдыр.

Сојуг су

Бәдәнинизин даһа чох калори јандырмасына јардымчы олмаг үчүн буз кими сојуг су ичин. Сојуг су гарын јағларыны әритмәк үчүн ән јахшы ичкидир. Калориси 0-дыр, мәдәниздә дојма һиссинә сәбәб олур вә организм сојуг сују гыздырмаг үчүн енержи сәрф едир, бунун сонунда калори јандырма баш верир.

Алман алимләри апардыглары тәҹрүбә мүддәтиндә ҝүндә 2 стәкан сојуг су ичән шәхсдә метаболизм просесинин ән аз 30 фаиз артдығыны мүшаһидә етмишләр. Хүсусилә, аҹ гарнына сојуг ичмәк даһа тәсирли үсулдур, бу, сизә һәм тохлуг һисси верир, һәм дә мәдә бош оларкән јағ һүҹејрәләрини парчаламаг даһа асандыр.

Сүд

Кечмишдә ҝөзәллик мәгсәди илә гәбул едилән сүд ванналарынын бир чох тәсирли хүсусијјәтләри вар. Бу да метаболизм сүрәтини артырмасыдыр. Сүдүн бу јени кәшф едилән фајдасы јағ јандырма мәсәләсиндә олдугҹа тәсирли олдуғуну ҝөстәрир. Амма чохлары сүдүн метаболизмин сүрәтини артырдығы һаггында чох да мәлуматлы дејил. Сүд калсиум бахымындан зәнҝиндир, бу вәзијјәт хүсусилә гарын бөлҝәсиндәки јағ һүҹејрәләрини мәһв едәрәк гарын јағларынын гыса мүддәтдә әримәсинә көмәк едир. Бунун үчүн ҝүндә 2 стәкан јағсыз сүд ичмәк төвсијә олунур. Арашдырмалар ҝүндә ики стәкан сүд истеһлакынын бир ајда 2-4 кило јағ иткисинә ҝәтирдијини ҝөстәрир. Садәҹә шәкәрсиз вә јағсыз ичмәјә диггәт един.

Нанәли чај

Нанәли чај һәм өзүнүзү даһа јахшы һисс етмәјә, һәм дә гарны дүзләшдирмәк үчүн дә олдугҹа фајдалыдыр. Нанәли чај јүксәк калорили гидаларын даһа тез һәзм олунмасына ҝәтириб чыхарыр. Мәдә јағланмасынын вә шишкинлијин дә гаршысыны алыр.

Ананас

Ананас мејвәси өзү чох фајдалы олдуғу кими, сују да бир чох дәрдин дәрманыдыр. Ананас сују гарын јағларыны әритмәк үчүн идеал ичкидир. Дүнја улдузларынын бир чоху бу үсулла идеал формада гала билир. Ичинә бир гашыг кәтан јағы әлавә едәрәк гарын дүзләшдириҹи ички кими истифадә едә биләрсиниз. Ананас һәзм системини јахшылашдырдығы кими гарын шишкинлијинин дә гаршысыны алыр.

Јашыл чај

Һәр ҝүн мүтләг 1-2 стәкан јашыл чај ичин. Јашыл чајын јағлары чох тәсирли шәкилдә јандырдығы дәфәләрлә арашдырылыб. Бу арашдырмаларда мүтәмади олараг јашыл чај ичәнләрин бәдәнләриндә енержи хәрҹинин артдығы вә јағ күтләсинин азалдығы мүшаһидә олунуб. Јашыл чајын ичиндәки маддәләр метаболизм нисбәтини 4 фаиз артырыр. Бу ҝүндә 70 калори даһа чох јандырмаг, һәмчинин јаваш вә сағлам шәкилдә арыгламаг демәкдир. Јашыл чајын тәркибиндәки катехин маддәси хүсусилә ҝөбәк әтрафындакы јағлары гыса мүддәтдә парчалајыр. Бир сөзлә, јашыл чај сизи идеал бәдән гурулушуна даһа тез говушдурур.

Алма сиркәси

Бу әрзаг гараҹијәр детоксуна јардымчы олмаг үчүн чох тәсирлидир. Гараҹијәр јағ јандырмаг үчүн бөјүк рол ојнајан органдыр. Сағлам гараҹијәр бәдәнин һәр јериндә топланан јағларыны низамлы шәкилдә јандырмасы демәкдир.

Алма сиркәси хүсусилә ҝөбәк јағыны әритмәк үчүн чох тәсирлидир. Мәдәниздә проблем јохдурса, һәр сәһәр бир стәкан илыгла исти арасы суја 1 чај гашығы алма сиркәси вә 1 чај гашығы бал әлавә едиб ичин. Бу ички сизә гыса мүддәтдә арыгламаға вә ҝөбәк јағлардан хилас олмағы тәмин едәҹәкдир.