Шрифт өлчүсү:

07 Декабр 2013

Дүнән Азәрбајҹан Ислам Партијасынын рәһбәрләри Һаҹы Елчин Манафов, Һаҹы Ингилаб Әһәдли вә “Вәтән” блокунун Иҹра Апаратынын катиби Мајис Ҝүләлијев АИП сәдри Һаҹы Мөвсүм Сәмәдовла Пенитенсиар Хидмәтин 11 сајлы ҹәзачәкмә мүәссисәсиндә ҝөрүшүбләр.
Ҝөрүш ики саата јахын давам едиб. Ҝөрүш барәдә Исламинсеси.аз -а мәлумат верән АИП сәдр әвәзи Һаҹы Елчин Манафов бунлары билдириб:
- Бундан әввәл Һаҹы Мөвсүм Сәмәдовла ҝөрүшә ҝөстәрилән бүтүн ҹәһдләрә бахмајараг ики аја јахын мүддәт әрзиндә буна наил олмаг мүмкүн олмајыб.
Мүхтәлиф бәһанәләрлә ҝөрүш һәр дәфә тәхирә салыныр вә манечиликләр төрәдилиб.
«Әдлијјә Назирлијинә вә Пенитенсиар Хидмәтин рәһбәрлијинә олунан мүраҹиәтләр нәһајәт ки, өз нәтиҹәсини верди вә АИП сәдри Һаҹы Мөвсүм Сәмәдовла ҝөрүшә билдик. Ҝөрүш үчүн вахт мәһдудијјәти гојулдуғу үчүн данышыглар ҹәми ики саата јахын давам етди. Лакин бу мүддәт әрзиндә бир сыра мәгамлара ајдынлыг ҝәтирилиб.
Һәр шејдән өнҹә дејим ки, һаҹы Мөвсүмүн сәһһәтиндә һазырда һеч бир проблем јохдур. О, өзүнү јахшы һисс едир. Руһијјәси әввәлки тәк јүксәкдир. О, сијаси мүбаризәсиндә давамлы оланларын, әгидәли инсанларын, вәтәнпәрвәрләрин, милли тәәссүбкешләрин, торпаг, дөвләт вә динимиз уғрунда ҹанындан кечмәји баҹаранларын шүҹаәтинә инандығы үчүн халгымызын ҝәләҹәјинә никбинликлә бахыр.
АИП сәдринә партијамызын бу ҝүнкү фәалијјәти, хүсусән президент сечкиләриндә һәјата кечирилән тәдбирләр, АИП-ин сечиҹиләрлә «Вәтән» блоку тәркибиндә ҝөрүшләри вә бу ҝөрүшләрин әһәмијјәти һаггында мәлумат верилди.

Бәзи информасија васитәләринин АИП сәдри М. Сәмәдовун президент сечкиләрини бојкот етдији һалда партијанын сечкиләрдә фәал иштиракы барәдә фәргли јанашмаларына да бир даһа ајдынлыг ҝәтирилди.

Гејд етдијимиз кими президент сечкиләринә бу ҹүр јанашма вә мөвге әлбәттә, әввәлҹәдән разылашдырылмыш кими олду. Һаҹынын һәбсхана шәраитиндә тәкчә јалныз сечкиләри дејил, индики һакимијјәтин кечирдији сечки кампанијасыны гәбул етмәмәси, һәм дә фәрди гајдада бу мәсәләјә белә јанашмасы партијанын бүтүн үзвләри вә Баш Мәҹлисии тәрәфиндән дә гәбул олунмуш вә ән оптимал вариант кими етираф едилмишди. Буна бахмајараг, Һаҹы Мөвсүм Сәмәдов да партијанын Баш Мәҹлисинин президент сечкиләриндә вә “Вәтән” блоку тәркибиндә фәал иштиракы һаггында гәрарыны тәгдир етдијини, һәтта бу заман баш верән әһәмијјәтли вә партија үчүн мүһүм олан мәгамлары гејд етди.
Ҝөрүшдә иштирак едән “Вәтән” блокунун иҹра апаратынын катиби Мајис Ҝүләлијев дә АИП сәдринә блокун ҝәләҹәк план вә перспективләри, гурумун гаршыја гојдуғу вәзифәләр барәдә мәлуматлар чатдырды. Ејни заманда М. Сәмәдова “Вәтән” блокунун јаранма мәгсәди, форматы вә партијаларын ејни заманда мүстәгиллији илә јанашы блокдан чыха билмәк барәдә сәрбәстлијини тәмин едән шәртләр, партијаларын һүгуг вә вәзифәләри һаггында да ачыгламалар верилди.
Мүзакирәләр заманы Һаҹы Мөвсүм Сәмәдов истәр партијанын сон фәалијјәти илә бағлы ишләрдән, истәрсә дә Јашыллар партијасынын сабиг һәмсәдри, һазырда “Вәтән” блокунун иҹра апаратынын катиби Мајис Ҝүләлијевин вә Әдаләт партијасынын сәдри Илјас Исмајыловун сијаси фәалијјәти барәдә разылығыны билдирди.
Һаҹы Мөвсүм онларын шәхсијјәтинә бөјүк һөрмәтлә јанашдығыны билдирди. О, АИП-ин “Вәтән” блокунда фәалијјәтинин бүтүн контурларынын вә АИП стратеҝијасынын бу бирлијин форматы дахилиндә давамлы шәкилдә һәјата кечирилмәсинин тактики ҝедишләринин мүәјјәнләшдирилмәси үчүн даһа ҝениш мүзакирәләрә зәрури еһтијаҹын олдуғуну гејд едәрәк һәр кәсә уғурлар диләди вә бүтүн гардашлара, о ҹүмләдән Әдаләт партијасынын сәдри Илјас Исмајылова сәмими саламларыны јетирмәји хаһиш етди./Исламинсеси.аз/