Шрифт өлчүсү:

27 Сентјабр 2015

Хариҹи ганахма илә мүгајисәдә дахили ганахманын диагнозуну гојмаг даһа чәтиндир.
Бу исә чох тәһлүкәлидир. Ганахма нәтиҹәсиндә дамарларда дөвр едән ганын һәҹми азалыр, һәјати ваҹиб органларын функсијалары позулур вә ағыр патоложи һаллар јараныр.
Дахили ганахма вахтында тәјин олунмадыгда, тибби јардым ҝеҹикә биләр ки, бу да хәстәнин һәлак олмасы илә нәтиҹәләнә биләр. Бу сәбәбдән һәр бин инсан дахили ганахманын әсас симптомларыны билмәли вә бу симптомлар мејдана чыхдаыгда дәрһал һәкимә мүраҹиәт етмәлидир. Бир чох һалларда дахили ганахма заманы јалныз тәҹили ҹәрраһи әмәлијјат хәстәнин һәјатыны хилас едә биләр.
Дахили ганахма заманы ган организмин дахили бошлугларына (дөш наһијәси, гарын бошлуғу) ахыр. Белә ганахманын әсас сәбәбләри арасында:
- ағ ҹијәрин тохумасынын вә габырғаарасы дамарларын јартылмасы илә мүшајиәт олунан габырғаларын сыныглары,
- дахили органарын бәдхассәли шишләры,
- автомобил гәзасы, һүндүрлүкдән јыхылма, зәрбә вә с. нәтиҹәсиндә дахили органларын (гара ҹијәр, далаг, бағырсаглар, бөјрәкләр) гапалы травмалары,
- гида борусу, мәдә вә 12 бармаг бағырсағы, гара ҹијәр, гадын ҹинсијјәт системи хәстәликләринин фәсадлары.
Һәр бир ҹидди зәдә заманы (автомобил гәзасы, һүндүрлүкдән јыхылма, зәрбә, травма вә с.) мүтләг дахили ганахма еһтималыны нәзәрә алмаг лазымыдр.
Ганахманын мәнбәјиндән асылы олмајараг дахили ганахманын бәзи үмуми симптомлары вар: дәринин вә селикли гишаларын солғун олмасы, сојуг тәр, үмуми зәифлик, башҝиҹәлләнмәси, ҝөзләрин гаралмасы, бајылма, артериал тәзјигин дүшмәси, нәбзин тезләшмәси. Ағыр ганахмалар заманы "јухары" тәзјиг 80 мм ҹ.ст. ашағы дүшүр, нәбзин ҝөстәриҹиси исә 120-140 кими галхыр.
Дахили ганахма анемијанын инкишафына сәбәб олур.
Бир чох һалларда дахили ганахманын сәбәби мәдә-бағырсаг системи хәстәликләри (мәдә вә 12 бармаг бағырсағы хоралары, мәдә вә бағырсаг хәрчәнҝи, гида борусу дамарларынын варикоз ҝенишләнмәси, гара ҹијәр сиррозу вә с.) олур. Бағырсаг ганахмалары заманы нәҹис гара олур. Мәдә ганахмалары заманы гусма күтләси гәһвәји рәнҝдә олур. Бөјрәк ганахмалары заманы сидикдә ган ашкар олунур.
Гадын ҹинсијјәт системи хәстәликләри дә дахили ганахмаја сәбәб ола биләр. Бир чох һалларда бунун сәбәби ушаглыгдан кәнар һамиләлик олур. Ушаглыг борусунда "илишмиш" ембрион бурада инкишаф едир вә боруну дартыр. Мүәјјән мүддәтдән сонра бору јыртылыр вә гадында дахили ганахма инкишаф едир. Гадын чанагда тәзјиг һисс едир, даһа сонра бу кими симптомлар инкишаф едир: дәринин солғун олмасы, бајылма, тәзјигин галхмасы, нәбзин тезләшмәси, сојуг тәр.
Ағ ҹијәр ганахмалары заманы хәстәдә ал-гырмыза ганла гусма, дөш гәфәсиндә кәскин ағрылар, нәфәсалманын чәтинләшмәси, һалсызлыг, бајылма, нәбзин тезләшмәси, тәрләмәнин артмасы, дәринин солғун олмасы кими симптомлар мејдана чыхыр.
Ағ ҹијәр ганахмаларын сәбәбләри: һүндүрлүкдән јыхылма, травмалар, быҹаг јаралары, ағ ҹијәр хәрчәнҝи вә с.
Беләликлә, дахили ганахма чох ағыр позулмадыр. Бу сәбәбдән дахили ганахмаја илк шүбһә јарандыгда дәрһал "тәҹили јардым"чағырмаг лазымдыр. Һәкимләр ҝәләнә кими хәстәјә јемәк, су, истәнилән дәрман вә с. вермәк олмаз. Хәстә јарыотураг вәзијјәтдә олмалыдыр./Саҝламолун/